Ўзбекистон республикаси марказий банки

Инфляцион таргет 
– узоқ муддатли иқтисодий ўсиш ва нархлар барқарорлигига замин 
яратадиган инфляциянинг олдиндан расмий эълон қилинган 
мақсадли кўрсаткичи. 
Инфляцион 
таргетлаш режими 
– пул-кредит сиёсати режими бўлиб, унда Марказий банк 
инфляциянинг ўрта муддатли миқдорий даражасини белгилайди 
ва эълон қилади. Бунда пул-кредит инструментлари жорий 
инфляцияни миқдорий кўрсаткичига эришишга йўналтирилади.
Инфляциянинг 
монетар омиллари 
– Ўрта муддатли истиқболда Марказий банк пул-кредит сиёсати 
воситалари ёрдамида бевосита таъсир қилиши мумкин бўлган 
инфляцион омиллари.
Инфляциянинг 
номонетар 
омиллари 
– Марказий банк пул-кредит сиёсати таъсири доирасидан 
ташқарида бўлган инфляцияга таъсир қилувчи омиллар. Ушбу 
гуруҳга ташқи иқтисодий шароитлар, таркибий омиллар (асосий 
фондлар ҳолати, ишлаб чиқариш самарадорлиги ва унумдорлиги, 
ишчи кучи таклифи ва сифат кўрсаткичлари, ишлаб чиқаришнинг 
технологик даражаси, транспорт, логистика инфратузилмаси, 
бозор концентрациясининг даражаси), норматив-ҳуқуқий муҳити, 
фискал сиёсати, товарлар ва хизматлар таклифи томонидан 
келтирилган омиллар киради. 
Истеъмол нархлари 
индекси (ИНИ) 
– аҳоли томонидан истеъмол учун харид қилинадиган товар ва 
хизматлар умумий нархлар даражасининг ўзгариш кўрсаткичи. 
ИНИ белгиланган товар ва хизматлар жорий даврдаги нархлари 
йиғиндисининг олдинги (базавий) даврдаги нархларига нисбати 
орқали ҳисобланади. 
Истеъмол талаби 
– иқтисодиётдаги истеъмол товарлари ва хизматларига бўлган 
жами талабнинг бир қисми. 
Ишлаб чиқариш 
тафовути (ингл. 
Output gap) 
— жорий ва потенциал ЯИМ ўртасидаги фарқ. Ялпи ички 
маҳсулотдаги ижобий тафовут инфляцион тафовут деб аталади. 
Бу эса ялпи талаб ўсиш суръати ялпи таклиф ўсиш суръатларидан 
ошиб кетишини ва бу инфляцион босимни юзага келтириши 

---