Ўзбекистон Республикаси Марказий банки пул-кредит сиёсатининг 2021 йил ва 2022-2023 йиллар даврига мўлжалланган асосий йўналишлари

тўғридан-тўғри хорижий инвестициялар
ҳисобланади. 
Кўплаб давлатлар, шу жумладан, ривожланаётган давлатлар амалиёти, 
тўғридан-тўғри хорижий инвестициялар оқимининг кўпайиши технологияларнинг кириб 
келиши орқали ялпи унумдорликни ошириш ва шу орқали иқтисодий салоҳиятни 
тиклашга хизмат қилишини намоён этмоқда. Тўғридан-тўғри хорижий инвестициялар 
орқали технологияларнинг кириб келиши мамлакатларнинг илмий-муҳандислик 
тадқиқот ютуқларидан фойдаланиш имкониятини кенгайтиради, шунингдек, бошқарув 
ва ташкилотчилик қобилиятларининг кучайишини, ходимлар малакаси ва 
тажрибасининг ошишини, ташқи бозорларга чиқишнинг кенгайиши ва экспорт 
диверсификациясини ўзида акс эттиради. 
Жаҳон Банки тадқиқотларига кўра, бир қатор давлатларда тўғридан-тўғри 
хорижий инвестицияларнинг ўсиши меҳнат унумдорлигининг ошиши (айниқса, хизмат 
кўрсатиш соҳасида), илмий-тадқиқотларга сармояларнинг кўпайиши ҳамда юқори 
маошли ва барқарор иш ўринларини яратилиши орқали иқтисодий ўсишга ижобий 
таъсир кўрсатган. Масалан, хизмат кўрсатиш соҳасига хорижий инвестицияларнинг 
кириб келиши Чехияда 3 йилдан сўнг меҳнат унумдорлигини 43,6 фоизга ва сотиш 
ҳажмини 33 фоизга оширган бўлса, Индонезияда меҳнат унумдорлигини 13,5 фоизга, 
иш билан бандликни 24 фоизга, иш ҳақини 41 фоизга ва хорижий капитал 
иштирокидаги корхоналарнинг экспортдаги улушини 13,9 фоизга ўсишига хизмат 
қилган. 
Таъкидлаш жоизки, хорижий инвестицияларнинг иқтисодий ўсишга таъсир 
даражасини аниқ миқдорий баҳолаш қийин бўлиб, бу ривожланаётган мамлакатларда 
тўғридан-тўғри хорижий инвестициялар оқимининг бошқа омилларни ҳам (даромад, 
савдо, молия бозори ривожланганлик даражаси, инсон капитали даражаси ва 
бошқалар) юқори суръатларга ижобий ўзгариши билан бир вақтда юзага келади. 
Шу сабабли, бу йўналишдаги тадқиқотларда тўғридан-тўғри хорижий 
инвестицияларнинг иқтисодий ўсишга таъсирини, асосан, бошқа омиллардан ҳоли 
тарзда таҳлил қиладиган эконометрик усуллардан фойдаланилади. 
Европа инвестицион банки ҳисоб-китобларига кўра, давлатнинг ривожланиш 
даражасига қараб тўғридан-тўғри хорижий инвестицияларнинг ҳажми ўсишининг 
макроиқтисодий кўрсаткичларга таъсири сезиларли даражада ўзгариб боради.

---