Ўзбекистон Республикаси Марказий банки пул-кредит сиёсатининг 2021 йил ва 2022-2023 йиллар даврига мўлжалланган асосий йўналишлари

Узоқ муддатли пуллар 
– иқтисодиёт ва молия соҳасида узоқ муддатли (бир йилдан ортиқ) 
қарзлар (инвестициялар) ёки узоқ муддатли кредитларни 
тавсифлаш учун ишлатиладиган ибора. 
Ўртача тортилган фоиз 
ставкаси 
– ўрнатилган кўрсаткичнинг умумий ҳажмдаги вазн оғирлиги ҳисобга 
олинган ўртача фоиз ставкаси. Оғирлик вазни сифатида ҳар бир 
фоиз ставкасининг умумий ҳажмдаги улуши олинади. 
Фоиз коридори 
– пул бозоридаги қисқа муддатли фоиз ставкаларини Марказий 
банкнинг асосий фоиз ставкасига (фоиз таргетига) яқинлаштириш 
тизими; фоиз коридорининг юқори чегараси Марказий банкнинг 
тижорат банкларига қарз тақдим этиш ставкаси (одатда овернайт 
ставкаси), қуйи чегараси эса Марказий банкнинг тижорат 
банкларидан депозитлар жалб қилиш ставкаси ҳисобланади. 
Халқаро пул 
ўтказмалари 
– пул маблағларини мамлакатга ёки мамлакат ташқарисига халқаро 
пул ўтказмалари тизимлари орқали ўтказиш. 
Эмпирик таҳлил 
– мавжуд маълумотларни таҳлил қилиш ва ўрганиш асосида талқин 
қилиш усули. Эмпирик ёндашув назариялар ва тушунчаларга 
таянмасдан ҳақиқий маълумотларга, кўрсаткичларга ва натижаларга 
асосланади.
Ялпи ички маҳсулот 
дефлятори 
– маълум бир давр мобайнида мамлакат ҳудудида ишлаб 
чиқарилган ва истеъмол қилинган товар ва хизматлар нархлари 
умумий даражасини ўзгариши.