Ўзбекистон Республикаси Марказий банки пул-кредит сиёсатининг 2021 йил ва 2022-2023 йиллар даврига мўлжалланган асосий йўналишлари

Ўзбекистон Республикаси Марказий банки
 
ПУЛ-КРЕДИТ СИЁСАТИНИНГ 2021 ЙИЛ ВА 2022-2023 ЙИЛЛАР
ДАВРИГА МЎЛЖАЛЛАНГАН АСОСИЙ ЙЎНАЛИШЛАРИ
38
 
5-
ҳавола 
 
Халқаро инвестицион банклар томонидан олтин бозори коньюнктураси таҳлили 
ва олтин нархининг ўрта муддатли прогнози
 
Олтин нархи динамикасида 1980-2000 йиллардаги узоқ муддатли турғунликдан 
кейин (1 троя унцияси учун 350-500 доллар), сўнгги икки ўн йилликда ўсувчи 
тенденциялар кузатилмоқда. Бунда, 2005 йил охиридан бошлаб олтин нархи барқарор 
ўсиш фазасига ўтди.
Жаҳон молиявий-иқтисодий инқирозининг энг жиддий тус олган даврларда ушбу 
металл нархи 1 000 доллардан ошди ва кейинги икки йил ичида (2009 йил сентябрдан
2011 йил сентябргача) 1,8 баробарга ўсиб, 1 троя унцияси учун 1 794 долларга
 
этди. 
Инқироздан кейинги даврда ушбу нархларда пасайиш тенденцияси кузатилди.
2013 йилнинг май ойидан 2019 йил апрелигача бўлган даврда олтин нархи яна 
барқарорлашиб, 1000-1300
 
доллар атрофида шаклланди.
Бироқ, 2019 йил апрель ойидан бошлаб дунёдаги энг йирик иқтисодиётлар – АҚШ 
ва Хитой ўртасидаги савдо зиддиятлари шароитида хавфсиз актив сифатида олтин 
жозибадорлигининг ортиши сабабли қимматбаҳо металл нархи кўтарила бошлади ва
2019 йил август ойида 1 500 долларлик маррани забт этди. Ушбу даврдан бери олтин 
нархи фақат ўсувчи тенденцияни намоён этмоқда.
2020 йилдан бошлаб пандемия тарқалиши ва жаҳон иқтисодиётининг 
ривожланиши бўйича ноаниқликларнинг кучайиши сабабли хатарларнинг ошиши 
шароитида инвесторлар олтинни барқарор ва хавфсиз актив сифатида танладилар. 
Натижада, дастлабки 8 ой давомида мазкур металл нархи қарийб 36 фоизга ўсди ва 
август ойида яна бир рекорд кўрсаткич – 2 063 долларлик маррани забт этди.