Ўзбекистон Республикаси Маъмурий жавобгарлик тўғрисидаги кодекси асосида вазиятга ҳуқуқий бахо беринг

Савол:

• 
  Ўзбекистон Республикаси МЖтК асосида масалани юридик таҳлил қилинг;
  
• 
  М.Назированинг ҳаракатларига ҳуқуқий баҳо беринг.
  

49-КАЗУС

Аманбаев Ботирга нисбатан муқаддам жиноят ишлари бўйича Тошкент шаҳар Чилонзор туман суди томонидан маъмурий назорат ўрнатилган ва у маъмурий назорат шартлари билан тўлиқ таништирилган бўлишига қарамай, 2016 йил 13 февраль куни Чилонзор тумани Лутфий кўчасида жойлашган “Осиё” дўконида спиртли ичимлик истеъмол қилганлиги, ва ўзининг ушбу ҳаракатлари билан маъмурий назорат тартибини бузганлиги аниқланган.

Судда Аманбаев Ботир мазкур ҳолат юзасидан қуйидагича, яъни ҳақиқатдан ҳам унга нисбатан маъмурий назорат ўрнатилганлиги, 2016 йил 13 февраль куни у “Осий” дўконида бўлганини, аммо у ерда спиртли ичимлик истеъмол қилмаганини, уйида спиртли ичимлик истеъмол қилганини, милиция ҳодимлари томонидан ушланганда қўрқиб, “Осий” дўконида спиртли ичимликларни истеъмол қилгани ҳақида кўрсатма берганини, ўша куни уйида турмуш ўртоғини туғилган куни бўлганини айтиб, қилган ишидан пушаймонлиги, бошқа бундай ҳолат такрорланмаслиги ҳақида кўрсатма берган.
Савол:

• 
  Ўзбекистон Республикаси МЖтК асосида Б.Аманбаевнинг ҳаракатларини ҳуқуқбузарлик сифатида эътироф этиш асосларини таҳлил қилинг;
  
• 
  Ушбу холат такроран содир этилса унинг ҳуқуқий оқибати қандай бўлади.
  

50-КАЗУС

2015 йил 04 сентябрь кунги Тошкент шаҳар Мирзо Улуғбек туман ДСИ бошлиғининг №567 х/с сонли буйруғига асосан, Мирзо Улуғбек туман ДСИ ходимлари томонидан, 2015 йил 04 сентябрь куни Тошкент шаҳар, М.Улуғбек тумани, Бий кўчаси, 428-уйда жойлашган “Ноқонуний хизмат курсатиш” шахобчаси, яъни “Сартарошхона”да ўтказилган қисқа текширув вақтида, сартарошхона хисобчиси М.Дж.Розматова, М.Т.Утелова ва Г.И.Намозовалар савдо кўрсатиш қоидаларини бузиб, харидорга 10.000 сўм нақд пулга НКМ дан чек уриб бермаган ва фуқаро М.Дж.Розматова ходимлар сонини яширган холда кирим ҳужжатлари бўлмаган, умумий нархи 506.000 сўм бўлган, 30 турдаги товар моддий бойликлари аниқланиб, баённома тузилган бўлиб, далилий ашё сифатида масала қонуний хал бўлгунига қадар, товар моддий бойликлари №94-сонли юк хати билан «ARZANDA» МЧЖга топширилган.

Ноқонуний савдодан тушган 10.000 сўм бўлган нақд пул маблағлари борлиги аниқланиб, №37 сонли квитанция орқали Тошкент шаҳар ДСББ хисоб рақамига топширилган.