Ўзбекистон Республикаси Маъмурий жавобгарлик тўғрисидаги кодекси асосида вазиятга ҳуқуқий бахо беринг

Савол:

• 
  Ўзбекистон Республикаси МЖтК асосида А.Кравецнинг ҳаракатларини ҳуқуқбузарлик сифатида эътироф этиш асосларини таҳлил қилинг;
  
• 
  А.Кравецнинг ҳаракатларини ҳуқуқбузарлик сифатида эътироф этиш асосларини таҳлил қилинг.
  

45-КАЗУС

Ўзбекистон Республикаси Адлия вазирлиги жамоат, нодавлат нотижорат ва диний ташкилотлар бошқармаси томонидан Ўзбекистон иқтисодчилар уюшмаси раис ўринбосари лавозимида ишлайдиган фуқаро Б.Уразовга нисбатан маъмурий ҳуқуқбузарликни содир қилганлиги аниқланди. Унга кўра, Ўзбекистон Республикаси “Нодавлат нотижорат ташкилотлари тўғрисида”ги Қонунининг 8-моддасига мувофиқ нодавлат нотижорат ташкилотлар рўйхатдан ўтказувчи органга ўз фаолиятлари тўғрисидаги ҳисоботларни тақдим этиши шарт. Шунингдек, Вазирлар Маҳкамасининг 2014 йил 10 мартдаги 57-сон қарори билан тасдиқланган Нодавлат нотижорат ташкилотларини давлат рўйхатидан ўтказиш тартиби тўғрисидаги низомнинг 47-бандига кўра нодавлат нотижорат ташкилот, шунингдек алоҳида бўлинмалар тегишли адлия органига: ҳар йили 1 февралгача - ўтган йилдаги ўз фаолияти тўғрисидаги ҳисоботни, шу жумладан фаолиятни молиялаштириш манбалари ва маблағларнинг сарфланиши тўғрисидаги декларацияни, мавжуд аъзолар сони тўғрисидаги маълумотларни Ўзбекистон Республикаси Адлия вазирлиги томонидан тасдиқланадиган шакл бўйича, Бироқ, мазкур ташкилотнинг 2014 йилдаги фаолияти тўғрисидаги ҳисоботлари 2015 йил 11 февралда тақдим этилган.

Савол:

• 
  Ўзбекистон Республикаси МЖтК асосида Б.Ўразовнинг ҳаракатларини ҳуқуқбузарлик сифатида эътироф этиш асосларини таҳлил қилинг;
  
• 
  Ушбу холат такроран содир этилса унинг ҳуқуқий оқибати қандай бўлади.
  

46-КАЗУС

2015 йил 12 август куни фуқаро Батыров Жамшид ЙТХ оқибатида тан жарохати олдим деб, ТАИЧБ касалхонасига мурожаат қилган. Шундан сўнг ТАИЧБ касалхонасидан, Тошкент шахар ИИББ ЙХХБ МДХга хабар қилинган ва хабар асосида тезкор навбатчи инспекторлар касалхонага етиб бориб, у билан сухбат ўтказган. Сухбат давомида Ж.Батыров ёлғон хабар бергани аниқланган. У томондан берилган хабарда уни 2015 йил 11 август куни соат тахминан 15:16 ларда Муйноқ кўчаси, 146-уй олдида ҳайдовчи М.Мерлинов бошқарувидаги “НЕКСИЯ” русумли давлат рақами 01 Q 792 АВ бўлган автоулов уриб кетганлиги ва у тан жарохати олиб касалхонага мурожат қилаётганлиги, шундан сўнг олиб борилган суриштирув ишлари давомида аниқланишича фуқаро Ж.Батыров ўша куни маст холда ҳайдовчи М.Мерлинов билан Муйноқ кўчасида ўзаро жанжаллашиб қолганлиги аниқланиб, натижада махсус хизматларни қасддан алдаб чақирганлиги аниқланган.

СТЭнинг 4080-Х-Хай сонли хулосасига кўра Ж.Батыров ЕНГИЛ даражадаги тан жарохати олганлиги аниқланган.
Судда ҳуқуқбузар Ж.Батыров тегишли тартибда чақиртирилганлигига қарамай ҳозир бўлмаган.