Ўзбекистон Республикаси Маъмурий жавобгарлик тўғрисидаги кодекси асосида вазиятга ҳуқуқий бахо беринг

Савол:

• 
  Ўзбекистон Республикаси МЖтК асосида Т.Юсуповнинг ҳаракатларини ҳуқуқбузарлик сифатида эътироф этиш асосларини таҳлил қилинг.
  
• 
  Т.Юсуповнинг келтирган важларини қилмишни юридик таҳлил қилишдаги аҳамиятини таҳлил қилинг.
  

37-КАЗУС

«IKKINCHI TEMIR BETON SERVIS»МЧЖ маъсул ходими Ш.Нигманов Тошкент шахар Давлат Архитектура ва Қурилиш назорати инспекцияси ходимлари томонидан ёзма равишда огоҳлантирилганлигига қарамасдан, 2014 йил 10 ноябрь куни текширув ўтказилганда Тошкент шахар Ҳамза тумани Слонима ва Алимкент кўчалари оралиғида жойлашган «IKKINCHI TEMIR BETON SERVIS» МЧЖ томонидан Тошкент шахар Ҳокимининг 2007 йил 3 ноябрдаги 959-сонли Қарорига асосан 4-қаватли 32-хонадонга мўлжаланган 2-сонли уйнинг қурилиш объектида қурилиш нормалари ва қоидаларини, техник шартларни бузганлиги ҳамда лойиҳа муаллифи билан келишмаган ҳолда хоналардаги ҳаво айлантирма туйнукларини қолдирмаганлиги, алюмин ва пластмаса ромларнинг атрофини махсус қоришма (пеноуретан ёки пакля) билан тўлдирмаганлиги бу эса қиш мавсумида алюмин ва пластмаса ромларнинг откос қисмидан совуқ ҳаво кириши ва ёғоч токчалар намланишига сабаб бўлган, натижада Ш.Нигманов қурилиш нормалари ва қоидаларини бузган.

Ҳуқуқбузар Нигманов Шомансур судга тегишли тартибда чақиртирилган бўлишига қарамай ҳозир бўлмаган.
Савол:

• 
  Ўзбекистон Республикаси МЖтК асосида Ш.Нигмановнинг ҳаракатларини ҳуқуқбузарлик сифатида эътироф этиш асосларини таҳлил қилинг.
  
• 
  Ш.Нигмановнинг ҳуқуқбузарлиги учун жазо тиайинлашда маъмурий жавобгарликни енгиллаштирувчи ва оғирлаштирувчи ҳолатларни таҳлил қилинг.
  

38-КАЗУС

2013 йил 16 декабрь куни соат 23:20 ларда фуқаро П.Ачилов Тошкент шаҳар, Мирзо Улуғбек тумани, Яланғоч мавзеси, 106-уй, 21-хонадонда бўла туриб, тунги вақтда соат 23:00 дан кейин баланд овозда мусиқа эшитган ва шу билан у қўшниси Т.Адиловни тинчлигини бузган. Ушбу ҳолат юзасидан Т.Адилов Ички ишлар идораларига мурожаат қилган ҳамда воқеа жойида бўган профилактика инспектори томонидан маъмурий баённома расмийлаштирилган.

Суд мажлисида жабрланувчи Т.Адилов қуйидагиларни, яьни 2013 йил 16 декабрь куни соат 23:20 ларда қўшниси П.Тўраев баланд овозда мусиқа эшитиб уни тинчини бузганлигини айтиб кўрсатма берган.
Суд мажлисида ҳуқуқбузар П.Ачилов айбига иқрорлик билдириб, у 2013 йил 16 декабрь куни соат 23:20 ларда Мирзо Улуғбек тумани, Яланғоч мавзеси, 106-уй, 21-хонадонда баланд овозда мусиқа эшитганлигини, бу ҳолат бошқа такрорланмаслигини айтиб, унга енгиллик қўллашни сўраб кўрсатма берган.