Ўзбекистон Республикаси Маъмурий жавобгарлик тўғрисидаги кодекси асосида вазиятга ҳуқуқий бахо беринг

Савол:

• 
  С.Мирзиёевнинг ҳаракатларини ҳуқуқбузарлик сифатида эътироф этиш асосларини МЖтК асосида таҳлил қилинг;.
  
• 
  Бозор ва савдо расталарини санитария ва эпидимология назорати амалга оширилганда маъмурий ҳуқуқбузарлик ишларини кўриб чиқишга ваколатли бўлган органлар ва уларнинг ваколатларини таҳлил қилинг.
  

31-КАЗУС

2015 йил 12 май кунги Тошкент шаҳар Мирзо Улуғбек тумани ДСИ ходимлари ва ЙПХ ходимлари томонидан, Тошкент шаҳар, Мирзо Улуғбек туманида ўтказилган рейд текшируви вақтида, фуқаро У.Абидов бошқарувидаги «Дамас» русумли автомашинасида давлат рақами 01B916EA бўлган транспорт воситасида Тошкент шаҳар Мирзо Улуғбек тумани Юзрабод кўчасида тўхтатиб сўралганда аҳолига пуллик транспорт хизмати кўрсатиш учун лицензияси бўлмасдан туриб, 10.000 сўм эвазига юк ташиш билан шуғулланганлиги аниқланган.

Фуқаро У.Абидов тегишли тартибда чақирилган бўлишига қарамасдан ҳозир бўлмаган, шу сабабли, маъмурий ишни Ўзбекистон Республикаси МЖтКнинг 294-моддасига асосан унинг иштирокисиз кўриб чиқишни лозим топди.
Савол:

• 
  У.Абидовнинг ҳаракатларини МЖтК асосида ҳуқуқбузарлик сифатида эътироф этиш асосларини таҳлил қилинг;
  
• 
  Маъмурий ҳуқуқбузарлик тўғрисидаги ишларни ҳуқуқбузар ииштирокисиз кўриб чиқиш асосларини таҳлил қилинг.
  

32-КАЗУС

Тошкент шаҳар Мирзо Улуғбек туман ДСИ бошлиғининг №1370х/с сонли буйруғига асосан, Мирзо Улуғбек туман ДСИ ходимлари томонидан, 2014 йил 04 декабрь куни Тошкент шаҳар, Мирзо Улуғбек тумани, "Наврўз деҳқон бозори" АЖнинг "Ширин" шахобчасида ўтказилган қисқа текширув вақтида Р.Қодиров бозорда савдо кўрсатиш қоидаларини бузган ва текширув давомида Р. Қодировнинг уйида умумий нархи 21.000 сўм бўлган, 35 кг туруп махсулотлари аниқланиб баённома тузилган бўлиб, далилий ашё сифатида вақтинчалик олиб қўйилиб, 111-сонли юк хатига асосан «Музроб» ХФга топширилган.

Суд мажлисига ҳуқуқбузар Р.Қодиров тегишли тартибда чақирилган бўлишига қарамасдан ҳозир бўлмади, шу сабабли Ўзбекистон Республикаси МЖтКнинг 294-моддасига асосан, суд ушбу маъмурий ишни унинг иштирокисиз кўриб чиқишни лозим топади.