Ўзбекистон республикаси маданият ва спорт ишлари вазирлиги

Qurbon Qurboniyon -Dutor cholg’usi uchun yaratilgan “Navozishi Dutor”, “Dar Mavzui Sharq” va “Navoi sharq” asarlari o’zining tojik ohanglari bilan insonni ohangrabodek o’ziga rom etib qo’yadi va bevosita raqsga chorlaydi.
G’ulomjon Qo’chqorov – “Sevinch” Dutor alt uchun yaratilgan cholg’u asar hisoblanadi.
N.Beknazarov -Dutor prima uchun “Venger Lo’lilari mavzusiga variatsiyalar” asari.
Abdulaziz Hasanovning – Dutorchilar kvinteti uchun”Kayfiyat” asari.
Hozirda dutor cholg’usi uchun yosh kompozitorlar tomonidan turli shakldagi asralar yaratilmoqda, izlanishlar olib borilmoqda. Bunga misol qilib, yosh kompozitor
Iroda Xodjaxonovaning Dutor tenor va fortepiano uchun yaratilgan
“Dutor Nag’masi” asarini ham keltirish mumkin. O’zbek va qardosh xalq kuylari, jahon kompozitorlarining asarlarini dutor cholg’ulariga moslashtirib, ijrochilar tomonidan sevib va maroq bilan ijro etib kelinmoqda. O’zbek xalq kuylaridan “Ayvon”, ”Tanovar”, ”Munojot”, “Aliqambar”, “Rohat”, “Dutor bayoti”, “Fabrikaning Yo’lidan”, “Chertmak”, “Olma otdim”, “Girya Qozoq”, ”Qashqarcha,” “Rok Qashqarcha”, ”Toshkent Ufori”,”Sharop I va II”, ”Ajam taronalari”, ”Tebranur”, ”Kuyla Dutorim’’ “Tabassum” va hakozolar.
Qoraqolpoq xalq kuylari “Nozli”, ”Qiz mnoyim”, ”Ilmesultan” Qozoq xalq kuylari “Balbiraun”, ”Qurmang’azi”, Tojik xalq kuyi “Duxtari Ko’lob”, ”Tog’ go’zali” asarlarini kichik bir misol tariqasida keltirib o’tdik.


II.BOB.HABIBULLO RAHIMOV HAYOTI VA IJODI
2.1. HABIBULLO RAHIMOVNING DUTOR CHOLG’USI UCHUN YARATGAN ASARLARI.

Rahimov Habibullo G’aybullayevich Tojikiston Respublikas Xo’jand viloyatining Nov tumanida 1946-yilning 31-oktabrida taniqli sozanda G’aybulla Rahimov oilasida dunyoga kelgan. To’ng’ich farzand bo’lgan Habibullo yoshlikdan ota kasbini egallay boshlaydi. Habibullo Rahimov Sodirxon Hofiz nomidagi Xo’jand Davlat Musiqa Bilim yurtida tahsil olgan. G’ijjak sozini o’rganish bilan bir qatorda, unda musiqa bastalashga ishtiyoq tug’iladi. Musiqa Bilim yurtini tamomlagach, ustozlarining maslahatiga binoan1964-yili Muxtor Ashrafiy nomidagi Toshkent Davlat Konservatoriyasi Kompozitorlik fakultetining tayyorlov bo’limiga o’qishga kirib, Boris Giyenko sinfida tahsil oladi, 1974-yili Davlat Imtixonlariga shoir To’lqin so’ziga badiiy so’z ustasi, yakkaxonlar, xor va simfonik orkestr uchun “Освенцим” nomli oratoriyasini taqdim etdi. 1974-76 yillarda Konservatoriyada Assistentura-stajerlikda professor Boris Zeydman sinfida kasb malakasini oshirgan.

H.Rahimovning ish faoliyati olib borgan muassasalar:
1969 – 1974 – yillarda Respublika damli cholg’ular maktab – internatida musiqa nazariyasi fanidan o’qituvchilik qildi. 1977-1989 –yillarda Abdulla Qodiriy nomidagi Toshkent Davlat Madaniyat Institutida o’qituvchi, katta o’qituvchi, dotsent lavozimlarida ishladi, “Partitura o’qish va cholg’ulashtirish “fanidan dars berdi.
1989-yildan boshlab O’zbekiston Davlat Konservatoriyasida ham kompozitorlik va partitura o’qish va cholg’ulashtirish fanlari bo’yicha talabalarga saboq berib kelmoqda.
1992-yildan buyon O’zbekiston Bastakorlar uyushmasining rais muovini vazifasini bajarib kelmoqda va sidqidildan kasbini haqiqiy fidoisi bo’lib jamiyatga, talaba yoshlarning kamolotga yetishishiga ulkan hissasini qo’shib kelmoqda. Habibullo Raximov turli janrlarda asarlar yaratdi.