Ўзбекистон республикаси кўишлок ва

1.1. ХЎЖАЛИК ГИДРОМЕЛИОРАТИВ ТИЗИМЛАРИНИ ТАКОМИЛЛАШТИРИШ
Хўжалик ГМ тизимларини такомиллаштириш лойиҳасини тузишда қуйидаги мелиоратив тадбирларни ишлаб чиқиш ва уларни амалда тадбиқ этиш зарур.
1. Хўжаликнинг мавжуд суғориш тармоқлари ҳолатини яхшилаш яъни ФИК (фойдали иш коэффициенти) ни ошириш - эски ердан қазилган каналларни тозалаш, чуқурлаштириш, сув сатҳларини кўтариш, каналларнинг ён ва асосларини шиббалаш, кольматация қилиш усуллари ёрдамида фильтрацияни (ерга шимилишни) камайтириш. Бундай ишларни амалга ошириш натижасида фойдали иш коэффицентининг қиймати ошади. Масалан: мавжуд шароитида сувнинг шимилиши яъни фильтрацияси 30% -ни ташкил этган бўлса ( ФИК= 0,7) юқорида кўрсатилган тадбирларни қўллаш натижасида у 60 % га камайди.
Демак ФИК нинг қиймати эски 0,7 дан
∆ (1 - ФИК _мавжуд )
ФИК _лойиха = ФИК _мавжуд + ------------------------- = 0,88 га кўтарилди
100
2. Мавжуд ердан қазилган каналлар ўрнига нов каналларини ва муаққат, ўқ ариқлар ўрнига эгилувчан юмшоқ қувурлар тадбиқ этсак сув шимилиши энг камида 95% га камаяди:
95 (1- 0,7)
ФИК _лойиха = 0.7 + --------------- = 0,98
100
3. Хўжаликда ердан фойдаланиш коэффициентини (ЕФК) ошириш мақсадида қўйидаги тадбирларни амалга ошириш лозим: нов ва эгилувчан юмшоқ қувурлардан фойдаланилганда уларнинг кундаланг кесими анча камаяди ва экин экишга фойдаланиладиган ерлар майдони кўпаяди.
Хўжалик чегараларини, мавжуд суғориш ва зовур-коллекторлар йўналишларини тўғрилаш, хўжалик ичида асосий ва асосий бўлмаган экин майдонлари чегараларини тўғри тўртбурчак шаклида қайта жойлаштириш, хўжаликка сув олиш нуқталарини камайтириш, экин далаларини суғориш тармоқларига боғлаш, очиқ зовурлар ўрнига ёпиқ дренажлардан фойдаланиш ишларини амалга ошириш натижасида ЕФК ни юқори даражага етказиш мумкин.
Масалан: хўжаликда мавжуд шароитда ЕФК = 0.8 га тенг. Юқорида кўрсатилган ишлар амалга оширилгандан кейин ЕФК _лойиха = 0.9 га тенг бўлган. Хўжаликнинг «брутто» ер майдони ,

га экин экиладиган майдон кўпаяди.
4.Суғориш тизимининг сув таъминотини яъни СФК ( сувдан фойдаланиш коэффициенти) ни максимал (0,9 -1,0) даражага етказиш, хўжаликда сувдан фойдаланиш режасини тузиш ва уни амалга ошириш ишларини ташкиллаштириш.
Тизимга сув олиш ва тарқатиш нуқталарида сув ўтказгич, сув ўлчаш, сув тўсувчи иншоотларини маҳаллий ва марказлашган диспетчерлик алоқани ташкил этиш ва уни автоматлаштириш.
5. Хўжалик ичида сув танқислиги шароитида сувдан навбат билан фойдаланиш режасини тузиш. Суғоришга тайёргарлик, суғориш ва суғоришдан кейин ерларга ишлов бериш ишларини бир-бирига мутаносиб боғлаш. Механизмлар сонини аниқлаш ва уларнинг ишлаш графигини тузиш.
6. Суғориш сифати ва самарадорлигини ошириш, сувдан тежамли фойдаланиш учун суғориладиган ерларни текислаш лойиҳасини тузиш ва уни амалга оширишда механизмларни танлаш, иш хажмини хисоблаш.
7. Суғориш каналларини лойқа ва чўкиндилардан тозалаш даврларини аниқлаш графигини тузиш, механизмлар сонини ва уларнинг иш ҳажмини аниқлаш.

8. 
   Суғориладиган ерларнинг мелиоратив холатини яхшилаш яъни шўр ювиш ишларини ўтказиш, сизот сувлар сатхини пасайтириш, ёпиқ зовур, дренажларни лойиҳалаш.