Ўзбекистон республикаси қишлоқ ва сув хўжалик вазирлиги

7. МАВЗУ: ЯШИЛ КОНВЕЙЕР
(озуқа конвейери)

Дарс режаси:

1.Яшил конвейерни моҳияти ва турлари
2.Яшил конвейерни ташкил қилиш
3.Яшил конвейерни тизимлари
1.Яшил конвейер - қишлоқ хўжалик молларини яйловлатиш даврида кўкат билан таъмин қилиш учун бажариладиган ташкилий, хўжалик ва технологик тизимлардир. Яйловлатиш даври баҳорда молларни кўкат билан таъминлашдан бошланади ва совуқ тушиб ўсимликларни ўсув даври тугаш давригача давом этади. Бизнинг юртимизда бу 200-270 кун давом этади.
Яшил конвейер кўкат манбайига қараб уч хил турга бўлинади : 1. Табиий, 2. аралаш, ва 3. сунъий яшил конвейери.
Биринчи турида кўкат табиий пичонзор ва яйловлардан олинади. Иккинчи турида яйловлатиш даврини бир қисмида табиий яйловлар, иккинчи қисмида махсус экилган ем-хашак экинлардан кўкат олинади. Учинчи турида - кўкат фақат махсус экилган ем-хашак экинларидан олинади.
2.Учинчи турдаги яшил конвейерни ташкил қилиш учун энг аввал ем-хашак экинларни танлаш лозим. Экинларни танлашда қуйидагиларга эътибор берилади : а) ҳосилдорлиги, б) тўйимлилиги, в) хазм бўлиши, д) иқтисодий самараси. Экинларни танлаш - бу тупроқ иқлим шароитиги боғлиқ. Яшил конвейер тизимида донли, дон дкккакли, силосбоп, илдизмева ва туганакмевали, ем-хашак ўтлар бўлиши керак, чунки бу тизимда қишда талаб қилинадига озуқалар ҳам тайёрланади.
Яшил конвейер тизимида экиладиган экинларга талаб қилинадиган экин майдонини аниқлаш учун: а) талаб қилинадиган озуқа миқдори, б) молларни кундалик кўкат ейиш меьёри, в) танланадиган экинларни ўртача ҳосилдорлиги.
3.Яшил конвейерни тизими ҳар бир хўжалик, бригада, чарво молларини турига қараб ҳар хил бўлади. Ҳар бир хўжаликнинг тупроқ иқлим шароити ҳисобга олинади. Сувли ерларда йирик шохли молларни боқиш учун кузги жавдар, кузги вика билан қўшиб экилган, беда, баргак, кўк нўхат билан арпа қўшиб экилган, маккажўхори соя билан бирга, судан ўти, жўхори, хашаки лавлаги экилиши мумкин.
Қўй боқиш учун оралиқ экинлар ( кузги жавдар х кузги вика кузги буғдой х кузги аика, сули х кўк нўхат, сули х бурчоқ, ) беда, мастак, судан ўти, маккажўхори экилади. қурғоқчилик туманларда яшил конвейер ташкил қилишда табиий яйловлар.маданий яйловлар, оралиқ экинлар, судан ўти, жўхори, маккажўхори, полиз экинлар ва бедадан фойдаланилади.
Саволлар:
1.Яшил конвейернинг қайси тури афзалроқ.?
2.Кўк нўхат билан махаллий нўхатнинг ҳосилдорлиги, тўйимлилиги бир хил, аммо яшил конвейерга кўк нўхат танланади нима учун?.
3.Шўрланган тупроқларда яшил конвейер ташкил қилиш учун қандай экинларни танлайсиз?.

Адабиётлар:

1.Н.Г.Андреев-Луговое и полевое кормопроизводство-М.Колос,1984,…

2. Х.Атабаева, З.Умаров ва бошқ.-Ем-хашак етиштириш-Т.Меҳнат, 1997,151 б.
3.В.Далакьян, Ш.Рахманова-Корма Узбекистана-Т.Меҳнат, 1986, 259 с.
4.Справочник по кормопроизводству , 3, 5, 9.
5.Абдукаримов Д. Ва бошқалар-Деҳқончилик асослари ва ем-хашак етиштириш -Т.Меҳнат, 1987,..