Ўзбекистон республикаси ‎‎Қишлоқ ва сув хўжалиги вазирлиги

II-БОБ. ТАДҚИҚОТ ЎТКАЗИШ УСЛУБИ, ТАЖРИБА ТИЗИМИ, ШАРОИТЛАРИ, ЎТКАЗИЛГАН АГРОТЕХНИК ТАДБИРЛАР ТАСНИФИ
2.1. Тадқиқотнинг услуби ва шароитлари.
Олдимизга қўйилган вазифаларни ҳал этишда ягона тизим бўйича дала тажрибалари ўтказилиб, уларда алмашлаб экиш тизимида ўрта толали “Бухоро-6” ғўза навинининг кўчма эгилувчан қувурлар ёрдамида суғоришда маъданли ўғитлар билан озиқлантиришни унинг ўсиши, ривожланиши ва ҳосилдорлигига таъсири ўрганилди.
Тажрибалар Ўзбекистон Пахтачилик илмий тадқиқот институти услубияти бўйича Қоровулбозор тумани ҳудудида жойлашган “Содиқ-Шодмон” фермер хўжалиги VI-гидромодуль районга тегишли даласида ўтказилган.
Тажриба вариантларининг такрорийлиги 3-қайтариқли.
Илмий тадқиқот ишлари 2015-2016 йил ғўзанинг “Бухоро-6” нави, шунингдек ишлаб чиқариш шароитларида ва вилоят тупроқ иқлими учун қабул қилинган суғориш олди тупроқ намлиги ЧДНС га нисбатан 65-75-65 %, маъдан ўғитлар меъёри Азот-200, Фосфор-140, Калий-80 кг/га меъёрда қўлланилган ҳолда ўрганилди.
Тажриба вариантлари бир ярусда, 3 қайтариқда жойлаштирилиб, ҳар бир вариантнинг майдони 960 м² (узунлиги 100 м, кенглиги 9,6 м), тажриба даласининг ҳисобий майдони – (480 м² ) ни ташкил этди. Тажрибанинг умумий майдони– 8640 м².
Тажриба даласидаги суғориш тартиби, ўғит миқдоридан ташқари, барча агротехник тадбирлар Бухоро тумани “Содиқ-Шодмон” фермер хўжалиги шароити учун қабул қилинган тартибда олиб борилди.
Тажриба даласидаги ғўзага фосфорли ва калийли ўғитларнинг йиллик меъёрини 70 фоизи экиш билан бирга, қолган 30 фоизи ғўзани шоналаш ва даврида, азотли ўғитнинг 30 фоизи экиш билан бирга, қолган қисмлари эса 2-4 чинбарг чиқарганда, шоналаш ва гуллаш фазаларида тўлиғича берилди.


Тажриба тизими
2.2.1. жадвал