Ўзбекистон республикаси қишлоқ ХЎжалиги вазирлиги тошкент давлат аграр университети

Тадқиқотнинг диссертация бажарилаётган олий таълим муассасасининг илмий-тадқиқот ишлари режалари билан боғлиқлиги. Тадқиқот мавзуси Ўзбекистон Республикаси Инновацион ривожланиш вазирлиги томонидан белгиланган Фан ва технологиялар тараққиётининг 2019-2021 йилларда амалга ошириладиган чора-тадбирлар режасида белгиланган йўналишларига тўла мос келади.
Тадқиқотнинг мақсади мева-сабзавотчилик кластерларини бошқаришнинг ташкилий-иқтисодий асосларини такомиллаштиришга қаратилган илмий асосланган таклиф ва тавсиялар ишлаб чиқишдан иборат.
Тадқиқотнинг вазифалари:
республикада мева-сабзавотчилик кластерларини ривожлантириш ва бошқаришнинг ташкилий ва иқтисодий асосларини илмий таҳлил асосида тизимлаштириш;
мева-сабзавотчилик кластерларини самарадорлик кўрсаткичларини бозор иқтисодиёти тамойиллари талаби асосида тизимлаштириш ва уларни ҳисоблаш усулларини асослаш;
мева-сабзавот маҳсулотлари етиштириш, қайта ишлаш ҳолати динамикасини таҳлил қилиш асосида мева-сабзавотчилик кластерларининг ривожланиш даражасига баҳо бериш;
мева-сабзавотчилик кластерларини бошқариш амалиётни умумлаштириш асосида унинг самарадорлигини оширишга қаратилган тавсиялар ишлаб чиқиш;
мева-сабзавотчилик кластерлари фаолиятининг хорижий тажрибаларини таҳлил этиш ва таҳлил натижаларидан Ўзбекистон шароитида фойдаланиш мумкин бўлган хулосалар чиқариш ва таклифлар ишлаб чиқиш;
мева-сабзавотчилик кластерларини ташкил этиш ва самарали бошқарувни бозор тамойилларига мослаш йўналишларини аниқлаш;
мева-сабзавотчилик кластерларининг давлат билан иқтисодий аслоқаларини ривожлантириш бўйича тавсиялар ишлаб чиқиш;
мева-сабзавот кластерлари иштирокчилари ўртасидаги иқтисодий алоқаларни ривожлантиришни бошқариш ва такомиллаштириш бўйича таклифлар ишлаб чиқиш;
мева-сабзавотчилик кластерларини бошқариш ва унинг самарадорлигини оширишга қаратилган 2030 йилгача мўлжалланган прогноз параметрларини ишлаб чиқиш.
Тадқиқотнинг объекти сифатида Ўзбекистон Республикаси Бухоро вилоятидаги мева-сабзавотчилик кластерлари танлаб олинди.