Ўзбекистон республикаси қишлоқ ХЎжалиги вазирлиги андижон қишлоқ ХЎжалиги ва агротехнологиялар институти

кафедра мудири:
қ.х.ф.н.ф .д (PhD): Ш.А.Тешабоев

КИРИШ
Умумий деҳқончилик, Пахтачилик ихтисослиги фани назарий методологик курси масалаларининг долзарблиги.
Бугунги кунда дунё бўйича эинларни озиқлантиришда органоминерал препаратлардан фойдаланилаётган экин майдонлари 277 млн. гектарни ташкил этмоқда. Жумладан АҚШда 39,7 млн., Россияда 27,8 млн., Хитойда 9,4 млн, Японияда 2,7 млн., Канадада 2,5 млн., Бразилияда 13,2 млн. гектар майдонларда органоминерал ўғитлардан фойдаланилмоқда. Шунингдек Европа давлатларида, Корея, Ветнам, Хиндистон, Индонезия, Шимолий Африка, Австралия ва ер шарининг кўпгина мамлакатларида экинларни органоминерал ўғитлар билан озиқлантириш амали ёти жорий этилган.1 Республикамизда 2020 йилда жами 23,4 минг гектар майдонда экинларни органоминерал ўғитлар билан озиқлантириш йўлга қўйилди.
Дунёда экинларни озиқлантиришда минерал ўғитлар йиллик меёрларини 20-40 фоизгача камайтирган ҳолда улар ўрнига самарали органоминерал ўғитлардан фойдаланиш йўли билан аввало экологик тоза қишлоқ хўжалик маҳсулотларини етиштиришга эришиш, шу билар бирга экинлар ҳосилдорлигини ва тупроқ унумдорлигини оширишга қаратилган ердан унумли фойдаланиш технологияларини, юқори маҳсулдор навлар учун органоминерал ўғитлар ва биостимуляторларни қўллаш меъёрлари, муддатлари ва усуллари, экинларни самарали навбатлаб экиш тизимларини қўллаш бўйича жаҳоннинг етакчи илмий марказлари ва олий таълим муассасалари изланишлар олиб бормоқдалар. Шундан келиб чиқиб, ердан самарали фойдаланишда муайян худуднинг тупроқ – иқлим шароитларига мос органоминерал ўғитлар турларини тўғри танлаш, экологик соф қишлоқ хўжалик махсулотлари етиштиришга эришиш йўлида минерал ўғитлар меёрларини камайтирган ҳолда экинларни озиқлантиришда органоминерал ўғитлардан фойдаланишнинг илмий асосларини яратиш ва йўлга қўйиш қишлоқ хўжалигидаги долзарб масалалардан бири бўлиб ҳисобланади.


Ўсимликшунослик назарий методология курсининг максади:


Андижон вилояти ўтлоқи тупроқлари шароитида кузги буғдойдан кейин такрорий экилган кунгабоқар экини учун органоминерал ўғитларнинг мақбул меъёрлари, қўллаш муддатлари ва усулларини аниқлашдан иборат.