Ўзбекистон республикаси ички ишлар вазирлиги академияси дастлабки тергов ва криминалистика кафедраси тергов фаолияти мутаҳасислиги

Мурда танасида, кийимлари ва пойафзалида қуйидаги излар қидирилади:
1) танадаги жароҳатлар (тирналиш излари, шилинишлар);
2) пойафзал ва кийимларидаги жароҳатлар, пойафзал тагчармининг
таркиби;
3) тирноқ ости таркиби;
4) соч толалари;
5) қон излари;
6) сперма излари;
7) суюқ ажратмалар;
8) мато ва бошқа толали материаллар (жабрланувчининг қўлида).
Жиноятчи томонидан қолдирилганлиги бўлиши мумкин бўлган буюм ва предметларни ҳамда мурданинг атрофи бўйлаб бошқа изларни қидиришда қуйидагиларнинг топилишига эътибор қаратилади:
1) жиноят қуроли;
2) узилиб тушиб қолган тугмалар;
3) буюм ва нарсаларда, жиноят қуролида қўл излари (қўлқоп излари); 4) одамнинг ҳид излари;
4) тупроқдаги, ердаги мато излари;
5) оёқ тиззаси, қўл тирсаги излари;
6) сигарет қолдиқлари ва кукунлари;
7) ўсимликларнинг эзилган, узилган излари бўлса, улар жиноятчининг кийимларида қолган бўлиши мумкин, улардан солиштириш тадқиқоти учун намуна олиш;
8) шунингдек, тупроқ, қум ва бошқа мавжуд кукунли моддалардан ҳам намуналар олиш;
9) пойафзал излари ва бошқалар.
Жиноят содир бўлган жойнинг атрофи бўйлаб қуйидаги изларнинг топилишига алоҳида эътибор қаратилади:
1) жиноятчининг ҳодиса жойидан чиқиб кетиш ва кириш йўлларида пойафзал излари;
2) транспорт воситаларининг излари;
3) ҳайвон излари ва бошқалар.
Жинсий эркинликка тажовуз сабабларига кўра одам ўлдириш жинояти содир этилганда, суд-тиббий экспертизада ҳал этиладиган асосий саволларнинг намунавий рўйхати:
1) ўлимнинг сабаби нима?
2) мурдада қандай жароҳатлар аниқланди ва улардан қайси бири ўлимнинг сабаби?
3) ўзини ўзи ҳимоя қилишни характерловчи жароҳатлар мавжудми?
4) жинсий алоқа юз берганми?
5) жинсий алоқа пайтида жисмоний куч ишлатиш аломатларига хос жароҳатлар мурда танасида ва кийимларида мавжудми?
6) мурда аниқланган барча жароҳатларни тириклигида олганми?
7) жинсий алоқа пайтида олинган жароҳатларнинг кетма-кетлигини аниқлаш учун тиббий маълумотлар мавжудми?
8) қандай ҳаётий касалликлари мавжуд бўлган ва унда жисмоний етишмовчиликлар бўлмаганми?
9) мурдада таносил касалликлари бўлмаганми?
10) жабрланувчи ўлими олдидан алкогол мастлигида ёки наркотик воситалар таъсирида бўлмаганми?
11) қурбоннинг қони қайси гуруҳга мансуб?