Ўзбекистон республикаси ички ишлар вазирлиги академияси дастлабки тергов ва криминалистика

Тадқиқотнинг мақсади ва вазифалари. Тадқиқотнинг мақсади жиноят ҳақида хабар бермаслик ёки уни яшириш учун жавобгарликнинг ҳуқуқий тартибга солиниши, унинг ҳуқуқий белгиларини аниқлаш, статистик маълумотларни ўрганган ҳолда у билан боғлиқ муаммоларни таҳлил қилиш, бундан ташқари, жиноят ҳақида хабар бермаслик ёки уни яшириш жиноятини келтириб чиқарувчи сабаб ва шароитларни аниқлаш, уларнинг олдини олиш чораларини ва уни такомиллаштириш бўйича хорижий тажрибани ўрганган ҳолда миллий қонунчилигимиз ва урф-одатларимиздан келиб чиқиб илмий асосланган таклиф ва тавсиялар беришдан иборат бўлади.
Тадқиқотнинг вазифалари сифатида юқоридаги мақсадлардан келиб чиқиб қуйидагилар белгиланади:

• 
  хорижий давлатлар қонунчилигида жиноят ҳақида хабар бермаслик ёки уни яширишнинг ҳуқуқий тартибга солинганлигини ўрганиш;
  
• 
  «жиноят ҳақида хабар бермаслик», «жиноятни яшириш», тушунчаларига таъриф бериш ва унинг жиноят ҳуқуқи ва суд амалиёти учун аҳамиятини кўрсатиб бериш;
  
• 
  жиноят ҳақида хабар бермаслик ёки уни яширишнинг ҳуқуқий белгиларини илмий таҳлил қилиш;
  
• 
  жиноят ҳақида хабар бермаслик ёки уни яширишни жиноятда иштирокчиликдан фарқ қилувчи жиноий-ҳуқуқий белгиларини ёритиб бериш;
  
• 
  жиноят ҳақида хабар бермаслик ёки уни яшириш жиноятларини келтириб чиқарувчи сабаб ва шароитларини ўрганиш ва уларнинг олдини олиш бўйича аниқ таклиф ва тавсиялар бериш;
  
• 
  тергов ва судлов органларининг жиноят ҳақида хабар бермаслик ёки уни яшириш билан боғлиқ қонун нормаларнини қўллаш амалиётини ҳамда ундаги мавжуд муаммоларни ўрганиш;
  
• 
  жиноят ҳақида хабар бермаслик ёки уни яшириш билан боғлиқ ҳолатларни квалификация қилишдаги мавжуд муаммоларни аниқлаш ва уларни бартараф этиш йўлларини кўрсатиб бериш;
  
• 
  ўтказилган илмий тадқиқот натижаларидан келиб чиққан ҳолда амалдаги Жиноят кодексида кўрсатилган ушбу нормаларни такомиллаштиришга доир таклиф ва тавсиялар ишлаб чиқиш.