Бухгалтерия ҳисоби ва аудит

КИРИШ

«Аудит» фанидан амалий машғулотлар тўплами намунавий дастур асосида бакалавриатнинг “Бухгалтерия ҳисоби ва аудит” йўналиши учун мўлжалланган. Мазкур машғулотлар тўплами бухгалтерия ҳисобининг 21-сон миллий стандарти (БҲМС)га биноан янги счётлар режаси ва аудиторлик фаолиятининг миллий стандартлари (АФМС)га асосланиб тузилган.

Тўплам йигирма учта мавзудан иборат бўлган амалий машғулотларни ўз ичига қамраб олиб, ҳар бир мавзу учун турли ҳолатларга оид масалалар ва назорат саволларидан иборатдир. Бу ўз навбатида дарсларни семинар ва амалий машғулот сифатида ўтишга имконият яратади.
Машғулотлар тўпламининг мавзулари аудитни ташкил этиш жараёни, аудиторнинг ҳуқуқ ва мажбуриятлари, аудиторнинг аҳлоқий қоида меъёри ҳамда бухгалтерия ҳисоби ва молиявий ҳисоботнинг ҳаққонийлигини аниқлаш мақсадида ҳисоб ишларининг барча бўлимларини текшириш масалаларини ўз ичига олган. Аудиторлик текширишнинг барча йўналишлари бўйича мақсади ва вазифалари аниқланган. Ҳар бир бўлимнинг бажарилиши бўйича топшириқлар ва кўрсатмалар берилган. Буларни ўрганилиши ўз навбатида аудиторлик жараёнининг кетма-кетликда бажариладиган ишларини, яъни уни режалаштиришдан токи аудиторлик ҳисоботи тузиш ва аудиторлик хулосасини расмийлаштиришгача бўлган аудиторлик амалларини бажаришга ёрдам беради. Бундан ташқари, аудиторнинг текширув ўтказиш техникаси ва усули бўйича олган билимларини янада кенгайтиради ва чуқурлаштиради.
Бу тўплам орқали талабалар ўз-ўзини мустақил назорат қилиши ва билимларини жорий назоратдан ўтказишда фойдаланилишлари мумкин.
Шунингдек мазкур машғулотлар тўпламида корхонанинг молиявий ҳисоботи, аудиторнинг ҳисоботи ва хулосасидан намуналар ва тегишли иловалар келтирилган. Бу ўз навбатида талабаларга мустақил равишда аудиторлик ҳисоботи ва хулосани тузишга амалий ёрдам кўрсатади ва билимларни мустаҳкамлайди.
1-МАВЗУ: АУДИТНИНГ МОҲИЯТИ, УНИНГ МАҚСАДИ ВА ВАЗИФАЛАРИ


НАЗОРАТ САВОЛЛАРИ

1. 
   Аудит деганда нимани тушунасиз?
   
2. 
   Аудит дастлаб қачон ва қаерда пайдо бўлган? Ўзбекистонда қачондан бошлаб фаолият юритилмоқда, бунга сабаб нима бўлган?
   
3. 
   Аудитнинг аҳамияти нимада?
   
4. 
   Аудитнинг олдига қандай мақсад ва вазифалар қўйилган?
   
5. 
   Аудит нечта шакл ва турга бўлинади?
   
6. 
   Аудитнинг тафтишдан фарқи нимада?
   
7. 
   Аудитнинг иқтисодий таҳлил фанидан қандай фарқли ва унга ўхшаш томонлари мавжуд?