Ўзбекистон республикаси ички ишлар вазирлиги а к а д е м и я фалсафа ва политология кафедраси

учинчи савол бўйича хулоса Собиқ мустабид тузум ўрнида янги мустақил давлатлар шаклланди. Ҳукмрон ягона мафкура барҳам топгач, унинг ҳудудида маълум муддат ғоявий-мафкуравий бўшлиқ (вакуум) ҳолати вужудга келди. Маълумки, умрини ўтаб бўлган ғоя, мафкура тараққиёт нуқтаи назаридан инкор этилар экан, жамиятда янги бир ғоя, илғор бир фикрнинг шаклланишига эҳтиёж сезилади. Бу зарурият теран англаб етилмаган ҳолда эса ғоявий вакуум - бўшлиқ юзага келади. Лекин, мафкура соҳасида бўшлиққа йўл қўйиб бўлмайди.
Хулоса.

Шундай қилиб биз юқорида онг, унинг моҳияти, вужудга келиши, онгнинг асосида инъикос ётиши, инъикос шакллари, уларнинг ривожланиши, онг ва тил, онг ва меҳнат, ижтимоий онг, унинг тузилиши, даражалари, ижтимоий онг шакллари, ҳуқуқий онг ижтимоий онгнинг алоҳида бир тури эканлиги ҳақида гапиришдик. Онгга таъриф бердик: Онг бу юксак даражада ташкил топган материя – инсон миясининг хоссасидир. Бундан ташқари ғоя ва мафкура масалаларига ҳам тўхталиб ўтдик. Умуман инсон ҳаётида онг катта аҳамиятга эгадир.

« Фалсафада онг, ғоя ва мафкура масалалари. Ҳуқуқий онг – ижтимоий онгнинг бир тури » 9-мавзуси бўйича маъруза машғулоти учун

Тарқатма материаллар.

Режа:
1.Фалсафада онг муаммоси ва унинг моҳияти.
2.Ижтимоий онг тушунчаси, унинг асосий шакллари.
3.Мафкура – инсонларнинг эҳтиёжлари, манфаатлари, мақсад ва вазифаларини ифодаловчи ғоялар мажмуоси сифатида..


1 -савол. Фалсафада онг муаммоси ва унинг моҳияти.


«Ўзингни билсанг, оламни биласан», – деган эди Суқрот. Афоризмга айланиб кетган бу фикр ортида олам каби инсон ҳам сиру синоатларга бой, у ўзини билиш орқали олам моҳиятини англашга йўл очиши мумкин, деган ғоя ётибди. Гарчанд онг ва унинг турли хусусиятлари инсонга хос ҳодиса сифатида психология, адабиёт, социология каби фанларнинг тадқиқот мавзуи доирасига кирган бўлса-да, онгнинг моҳияти, унинг турли кўринишлари ўртасидаги муносабат каби масалаларни ўрганиш билан айнан фалсафа шуғулланади.