Ўзбекистон республикаси халқтаълими вазирлиги

Малака ишининг объекти ва предмети. Бошқарув кадрлари касбий компетенциясининг таркибий тузилиши ва уларнинг касбий компетентлилиги кўрсаткичларини таҳлил қилиш малака ишининг объекти ҳисобланади. Шунинг асосида касбий компетентлиликни баҳолаш йўллари, шакл, услуб ва воситалари малака ишининг предмети ҳисобланади.
Малака ишининг мақсади ва вазифалари. Малака ишининг мақсади электрон портфолио тизимини IDEF0 методологияси асосида бошқарув кадрларининг касбий компетентлигини ривожланиши мониторингини амалга ошириш.
Тадқиқот мақсадига эришиш учун қуйидаги вазифалар белгилаб олинди:

• 
  бошқарув кадрлари касбий компетенциясининг мазмун моҳияти ва таркибий тузилишининг назарий асосларини ўрганиш;
  
• 
  касбий компетентликни ривожлантириш юзасидан хорижий тажрибаларни қиёсий таҳлил қилиш;
  
• 
  IDEF0 функционал моделлаштириш методологиясининг назарий в амалий жиҳатларини ўрганиш ҳамда таҳлил қилиш;
  
• 
  IDEF0 методологияси ёрдамида бошқарув кадрларининг касбий компетентлиги ривожланишини моделлаштириш.
  

Малака ишини тайёрлашда фойдаланилган адабиётлар ва норматив-ҳуқуқий ҳужжатларнинг қисқача ўзаро таҳлили. Малака ишини тайёрлашда қуйидаги адабиётлар ва норматив-ҳуқуқий ҳужжатлар маълумотларидан фойдаланилди, уларнинг қисқача таҳлилини келтириб ўтмоқчимиз.
Давлат ва жамият, шахс эҳтиёжи, қизиқишини ҳисобга олган ҳолда узлуксиз таълим тизимини бошқаришнинг мазмуни, қонуниятлари, босқичлари Р.Ш.Аҳлиддинов [22, 23], Р.Ҳ.Жўраев [29], У.Иноятов [35, 36], Ж.Ғ.Йўлдошев [38, 39], С.Турғунов [29, 62], Ш.Э.Қурбонов [43]лар томонидан ўрганилган.
Педагогик бошқарувнинг ижтимоий моҳияти, тизимга хос хусусиятлар Ю.К.Васильев [27], М.Н.Нишонов [46], Л.М.Портнов [50], В.В.Сергеев [56], В.П.Симонов [57, 58], П.И.Третьяков [61], Р.Х.Шакуров [68], Қ.Ўролов [75]ларнинг тадқиқотларида очиб берилган.
Раҳбар шахс психологияси, компетентлиги, унинг маънавий-ахлоқий, иродавий сифатлари М.Йўлдошев [40], Р.Л.Кричевский [42], Н.Назарзода [40]лар томонидан ўрганилган бўлса, Ўзбекистонда педагогик кадрларни қайта тайёрлаш, малакасини ошириш муаммолари Ж.Ғ.Йўлдошев [38, 39], К.З.Зарипов [31], Ш.Қ.Мардонов [44, 45], Б.Нуридинов [47], Ш.Саидқулов [52, 53]ларнинг илмий изланишларида ўз аксини топган.