Ўзбекистон республикаси халқтаълими вазирлиги

Ижро механизмлари таърифи. Кириш ва чиқишларни яратганингиздан сўнг, сиз функционал блоклар билан боғлиқ ижро этувчи механизмларни ёки манбаларни кўриб чиқишингиз мумкин. Ижро этувчи механизм тушунчаси ходимларни, ускуналар, ахборот тизимлари ва шу кабиларни ўз ичига олади. Мисол учун, "Детални йиғиш" функционал блоки бирор асбобдан фойдаланишни талаб қилиши мумкин. Ҳайдовчилик гувоҳномаси учун имтиҳонларни топширишда ижро этиш механизми Давлат Йўл ҳаракати хавфсизлиги инспекциясининг инспектори ҳисобланади. Одатда, функционал блоклар учун ижро этувчи механизмларни аниқлаш жуда осон.
Бошқариш таърифи. Функционал блокининг ишини назорат қилувчи бошқариш аниқланиши керак. IDEF0 даги барча функционал блоклари камида битта бошқаришга эга бўлиши керак. Стрелкани киришга ёки бошқаришга йўналтиришни аниқлаб бўлмайдиган ҳолларда уни бошқариш қилиб чизиш керак. Бошқаришни функционал блок киришининг махсус шакли сифатида қараш мумкин.
Контекстли диаграмма тугалланганда қуйидаги саволларни бериб кўринг:
• Диаграмма моделлаштирилаётган бизнес жараённи умумлаштирадими?
• Диаграмма моделлаштириш чегаралари, қарашлар ва моделлаштириш мақсадларига мос келадими?
• Стрелкаларни деталлаштиришнинг танланган даражаси контекстли блокка тўғри келадими? (Одатда, контекстли диаграмада ҳар бир турдаги олтидан ортиқ стрелкани чизиш тавсия этилади.)


2.2.8 Блоклар ва диаграммаларни рақамлаш
IDEF0 нинг барча функционал блоклари рақамланади. Рақамларни ихтиёрий узунликдаги префиксдан фойдаланишга рухсат берилади, аммо моделларнинг аксариятида префикс А ишлатилади. Блокнинг рақами префиксдан кейин қўйилади. Контекст блоки доимо АО рақамига эга.
Префикс моделнинг ҳар бир блоки учун такрорланади. Рақамлар, блокнинг жойлашган декомпозиция даражасини акс эттириш учун ишлатилади. АО блоклари А1, А2, А3 ва бошқа блокларига бўлинади. А1 эса А11, А12, А13 ва бошқаларга ажралиб чиқади. А11 А111, А112, А113 ва бошқаларга ажралиб чиқади. Ҳар бир декомпозиция даражасида рақамнинг охирига бир рақам қўшилади.