Ўзбекистон Республикаси Халқ таълими вазирлигининг 2011 йил

VI. Методик кенгаш ҳуқуқлари

12. Методик кенгаш қуйидаги ҳуқуқларга эга:

ўқитувчи(тарбиячи)нинг малакавий тоифасини ошириш бўйича таклиф ва тавсия тайёрлаш;
таълим муассасасида ўқув жараёнини яхшилаш бўйича таклиф бериш;
методбирлашмаларда аниқланган илғор педагогларнинг иш тажрибаларини нашр қилиш масаласини қўйиш;
ўқув муассасаси раҳбарияти олдига, тажриба-синов ишларида, илмий–методик изланишларда фаол иштирок этган ходимларни моддий рағбатлантириш тўғрисида масала қўйиш;
ўқитувчи(тарбиячи)ларга малака ошириш бўйича тавсиялар бериш;
“Йилнинг энг яхши фан ўқитувчиси(тарбиячиси)” кўрик-танловида қатнашиш учун педагог номзодини тавсия этиш.
13. Кенгаш ўз фаолияти доирасида муассасаси педагогик кенгашига ҳисобот беради.
14. Кенгаш иш фаолиятини муассаса раҳбари (ёки у тайинлаган шахс) муассасанинг ички назорати доирасида назорат қилади.


VII. Методик кенгаш ҳужжатлари

15.Методик кенгаш фаолиятига доир қуйидаги ҳужжатлар бўлиши шарт:

Методик кенгаш аъзолари ҳақида маълумот;
иш режаси;
ҳисоботлар;
йиғилиш баённомалари;
Кенгаш томонидан таҳлил қилинган материаллар ва берилган тавсиялар.
Кенгаш ҳужжатлари умумтаълим мактаби иш юритиш ҳужжатлари билан бирга 3 йил сақланади.

Ўзбекистон Республикаси Халқ таълими вазирлигининг 2011 йил 4 июндаги 144 -сонли буйруғига 11-илова

Умумий ўрта таълим мактаби фан Методбирлашмалари тўғрисида

Н И З О М

Мазкур Низом таълим муассасидаги фан ва йўналишлар бўйича методбирлашмаларни ташкил этиш ва уларнинг амалга оширадиган фаолият мазмунини белгилайди.