Ўзбекистон республикаси халқ таълими вазирлиги ўзбекистон республикаси бандлик ва меҳнат муносабатлари вазирлиги

ЎЗБЕКИСТОН РЕСПУБЛИКАСИ ХАЛҚ ТАЪЛИМИ ВАЗИРЛИГИ
ЎЗБЕКИСТОН РЕСПУБЛИКАСИ БАНДЛИК ВА МЕҲНАТ МУНОСАБАТЛАРИ ВАЗИРЛИГИ
ЎЗБЕКИСТОН КАСАБА УЮШМАЛАРИ ФЕДЕРАЦИЯСИ
ҚЎШМА ҚАРОРИ


Ўзбекистон Республикаси халқ таълими тизими муассасалари ходимлари лавозимларининг навбат бўйича узайтирилган таътил кунлари рўйхатини тасдиқлаш тўғрисида

1. Ўзбекистон Республикаси халқ таълими тизими муассасалари ходимлари лавозимларининг навбат бўйича узайтирилган таътил кунлари рўйхати иловага мувофиқ тасдиқлансин.

2. Ўзбекистон Республикаси Бандлик ва меҳнат муносабатлари вазирлиги, Ўзбекистон таълим ва фан ходимлари касаба уюшмаси марказий қўмитаси ҳамда Халқ таълими вазирлигининг 1998 йил 25 июндаги 578/09-2-сонли қўшма келишуви ўз кучини йўқотган деб ҳисоблансин.

3. Мазкур қарор ижросини назорат қилиш Халқ таълими вазирининг биринчи ўринбосари Қ.Бектурдиев, Ўзбекистон Республикаси Бандлик ва меҳнат муносабатлари вазирининг биринчи ўринбосари Э.Мухитдинов, Ўзбекистон касаба уюшмалари Федерацияси раиси ўринбосари Б.Махмадалиевлар зиммасига юклатилсин.

Халқ таълими вазири У.Иноятов

Тошкент ш.

2018 йил “_____” июнь
“______”-сон


Ўзбекистон Республикаси
бандлик ва меҳнат
муносабатлари вазири Ш.Кудбиев

Тошкент ш.

2018 йил “_____” июнь
“______”-сон


Ўзбекистон касаба уюшмалари
Федерацияси раиси Қ.Рафиков

Тошкент ш.

2018 йил “_____” июнь
“______”-сон

Ўзбекистон Республикаси Халқ

таълими вазирлиги, Ўзбекистон
Республикаси бандлик ва меҳнат
муносабатлари вазирлиги ва
Ўзбекистон касаба уюшмалари
Федерациясининг
2018 йил «_____» июндаги
_____, _____, _____-сон қўшма қарорига
ИЛОВА


Халқ таълими вазирлиги тизими муассасалари ходимлари лавозимларининг Ўзбекистон республикаси Меҳнат Кодексининг 135-моддасига асосан белгиланган навбатдаги узайтирилган таътил кунлари
РЎЙХАТИ

1. Умумий ўрта таълим муассасалари: давлат ихтисослаштирилган умумтаълим мактаблари; умумтаълим мактаблари; жисмоний ёки психик ривожланишида нуқсони бўлган болалар учун ихтисослаштирилган давлат таълим муассасалари: (кар (эшитмайдиган) болалар, заиф эшитадиган ва кейинчалик кар бўлган болалар, кўзи ожиз (кўр) болалар, заиф кўрадиган ва кейинчалик кўр бўлган болалар, нутқида оғир нуқсонлар бўлган болалар, таянч-ҳаракат аппаратида нуқсони бўлган болалар, психик ривожланиши суст бўлган болалар, ақли заиф болалар учун (ёрдамчи) мактаблар ва мактаб-интернатлар); санаторий туридаги ихтисослаштирилган давлат таълим муассасалари: (I—IV даража сколиоз билан касалланган, сил ва нафас олиш органларининг сурункали касалликларига чалинган, алоҳида шарт-шароитларда даволаш ва соғломлаштиришга муҳтож бўлган мактаб ёшидаги болалар учун мактаблар ва мактаб-интернатлар).