Ўзбекистон Республикаси Хал= таълими вазирлиги

БУВИЖОНИМ, БУВИЖОН 
Пўлат Мўмин 
Оқ пахтадай сочингиз,
Омон бўлсин бошингиз. 
Айта қолинг бувижон 
Ҳозир қанча ѐшингиз? 
Сўзларингиз хўп қизиқ, 
Юзингиз нега чизиқ? 
Ачомласам, бувижон, 
Бағрингиз мунча иссиқ? 
Дадамларни боққансиз, 
Ойимларга ѐққансиз. 
Топишмоғу эртакка
Бувижоним чаққонсиз. 
 
 

 
Бувим  Й.Сулаймон 
Бувижоним қарилар, 
Ҳатто юздан нарилар, 
Йўқлаган онларида, 
Доим мен ѐнларида. 
Сув деса, сув тутаман, 
Сўзларини кутаман. 
Мақоллар 
Каттага ҳурмат-кичикка иззат. 
Ёшга - хизмат, кексага ҳурмат. 
Дуо олган омондир, қарғиш олган ѐмондир. 
Ёш келса ишга, қари келса ошга. 
5-мавзу: «Ака-ука, опа-сингилларга ҳурмат» 
Инсоннинг қадр-қимматига ота-боболаримиз тўғри ва ҳаққоний баҳо беради.
Ҳурмат, иззат-икром юксак одоб намунаси бўлиб, унинг замирида меҳр ѐтади. Барча 
инсонларни баробар яхши кўриш, кўнглига яқин ола билиш ҳурмат деган олий фазилатга етаклайди.
Халқимизда: ―Ҳурмат қилсанг, ҳурмат кўрасан‖, деган нақл бор. Шундай экан, доимо 
қўлимиздан келганича бир-биримизни ҳурмат қилиб, ўтган хато ва камчиликларимизни кечириб 
юборишликка ҳаракат қилмоғимиз зарур.
―Каттага ҳурмат, кичикка иззат‖ деганда, ота-она, ака-ука, опа- сингил, қариндошлар, 
қариялар, устозларга бўлган ҳурмат тушунилади.
Ҳар бир инсон учун отадан улуғ ва қадрдон, онадан меҳрибон ва яқин киши йўқ. Ота-она буюк 
зотлардир. Уларга меҳрибон бўлинг. Уй-рўзғор ишлари, ҳовли-жойларни тартибга келтириш, 
супуриш-сидириш, нонушта, тушлик, кечки овқат тайѐрлаш, нон, сомса ѐпиш, ҳар хил пишириқлар 
пишириш, томорқадаги экин-текин, мол-ҳолларга қараш, укаларни боқишда уларга кўмаклашинг, 
панд-насиҳатларига қулоқ солинг, уларни ранжитадиган ишлардан ўзингизни тийинг, ахлоқли, одобли 
бўлинг, ота-онангизга раҳмат ѐғдирадиган ишлар қилинг.

---

27 
Оилада ака-ука, опа-сингиллар бир-бирларини сийлашлари, қарияларнинг сўзларига қулоқ 
солиб, берган панд-насиҳатларига амал қилишлари, уларнинг хизматларида бўлиб, улар ҳурматини 
жойига қўйиб дуоларини олишлари лозим бўлади.