Ўзбекистон республикаси халқ таълими вазирлиги сурхондарё вилоят хтб

ЎЗБЕКИСТОН РЕСПУБЛИКАСИ ХАЛҚ ТАъЛИМИ ВАЗИРЛИГИ
Сурхондарё вилоят ХТБ

Қумқўрғон тумани халқ таълими бўлими Аниқ фанлар методисти Ишбобоев Ғайратнинг

Умумий ўрта таълим муассасаларида ўқув фанларидан дарслардан ташқари ўтказиладиган тадбирлар бўйича
МЕТОДИК ТАВСИЯСИ

Қумқўрғон-2020 й

Тузувчи: Ғ.Ишбобоев – Қумқўрғон тумани халқ таълими бўлими Аник фанлар методисти

Умумий ўрта таълим муассасаларида ўқув фанларидан дарслардан ташқари ўтказиладиган тадбирлар

Ўзбекистон тараққиёти ва келажаги, равнақи учун “Кадрлар тайёрлаш Миллий дастури” талаблари асосида ёшларимизнинг замонавий билим олишлари, касб – ҳунар эгаллашлари, мустақил фикрга эга бўлишларига етарли шарт –шароитлар яратилган.

Умумий ўрта таълим муассасаларида ўқув предметларидан такрорлаш, умумлаштирувчи дарсларни анъанавий савол- жавоб, ёзма ва тест топшириқлар тарзда амалга ошириш амалиётда таълим самарадорлиги учун етарли эмаслигини кўрсатмоқда.
Таълим самарадорлигини янада оширишда таълимнинг турли ноанъанавий шакллари, олимпиадалар, танловлар, ишчанлик, бахс - мунозара, мусобақа ўйинлари каби шаклларда ўтказиш ўқувчиларнинг табиий - математика предметларига қизиқишини оширади ва ДТСни ўзлаштиришда, мустақил фикрлашга, ўзаро муомала, нутқ маданиятини ривожланиши, устозлар ва буюк мутафаккирларимизнинг илмий, педагогик меросларини ўрганишга қизиқишларини ошириши билан бир қаторда вояга етмаганлар орасида диний ақидапарастлик, ҳуқуқбузарликларга қарши мафкуравий иммунитетни шакллантиради.

ТАДБИРЛАРИНИНГ НАМУНАВИЙ С Ц Е Н А Р И Й С И
Математика ва табиий фанлардан “Зукколар бахси” деб номланган тадбирининг мақсад ва вазифалари қуйидагилардан иборат:

ТАДБИРНИНГ МАҚСАДИ
Ёшларга Юртимизни улуғлашлари ва унга бўлган эътиқод, бурчларини тушунтириш, амал қилиш ва дўстликни мустаҳкамлаш билан бир қаторда математика ва бошқа ўқув предметларига қизиқишларини ошириш, ўзлаштириш ва мустаҳкамлаш, буюк мутафаккирларимизнинг математика фани ривожига қўшган илмий мерослари бўйича тарихий маълумотлардан кенгроқ таништириш, мустақил фикрлашга ўргатишдир.