Ўзбекистон республикаси халқ таълими вазирлиги мактабгача муассасалар ходимларини қайта тайёрлаш ва

3- машғулот 
Мавзу: Тарбиячи ѐрдамида сурат бўйича ҳикоя тузиш: "Қўй қўзичоқлари 
билан" 
Мақсад: Тарбиячи ѐрдамида сурат бўйича ҳикоя тузиш малакаларини 
мустаҳкамлаш ва мустақил ҳикоя тузишга ундаш. 
Вазифалар: 
Ҳаракат номларини ифодаловчи сўзларни болаларнинг фаол луғатига киритиш. 
―S‖ товушини сўзларда тўғри талаффуз этиш. 
Кутилаѐтган натижалар:
Тарбиячи ѐрдамида сурат бўйича ҳикоя тузиш малакаларини мустаҳкамланади
Грамматик жиҳатдан тўғри сўзлашга интилади 
Болалар билимларини кенгайтиришга йўналтирилган, иштирок этишга 
мўлжалланган интерфаол усуллар: 

Ақлий ҳужум 

Қисқа ҳикоя 

Савол- жавоб 

Ўйин. "Қўй ва Қўзичоқлар" 
Керакли жиҳозлар: 
Сурат "Қўй-қўзичоқлари билан", ўйинчоқлар: зағизғон, товуқ, жўжалар, ўрдак, 
ўрдакчалар, ит, кучукчалар. 
Машғулотнинг бориши. 
Болалар суратни диққат билан кўриб бўлгач, тарбиячи савол беради: 
1. 
Суратда қайси ҳайвон тасвирланган? 
(қўй, қўзичоқлари билан) 
Улар нима қилишяпти? (қўзичоқлар онасининг олдида ўйнашяпти). 
Қора қўзичоқ нима қиляпти? (онасини эмаяпти)
Яна қандай қўзичоқни кўряпсиз? (ола-була) 
У нима қиляпти? (У ўтлаяпти). 
Она қўйга қаранг. У болаларига қандай қараяпти? У қандай? (она қўй катта, 
жунли. Она қўй ўз болаларига меҳрибонлик билан қараяпти). 
Савол-жавобдан сўнг тарбиячи болаларга биргаликда сурат бўйича ҳикоя тузишни 
таклиф этади. 
Суратнинг номини ... "Қўй қўзичоқлари билан" деб номласак бўлади. Она қўй... 
катта, жунли, у болаларига қараяпти. Она қўйнинг иккита боласи бор: бири қора, 
бири ола-була. Қора қўзичоқ онасини эмяпти. Ола-була қўзичоқ ўтлаяпти. Шундан 
сўнг тарбиячи 3 та болани чақиради. Улар қисмларга бўлиб, она қўй, қўзичоқлар 
ҳақида ҳикоя қилади. Вазифа 2-3 маротаба такрорланади.