Ўзбекистон республикаси халқ таълими вазирлиги мактабгача муассасалар ходимларини қайта тайёрлаш

Болалар билимини текшириш ва мустаҳкамлаш учун саволлар
- Болалар, бугун қайси
товуш иштирок этган расмларни номладик ва улар ҳақида гап 
туздик? 
-Нечта сўздан иборат гаплар туздик? 
-Қайси сўзда ―R‖ 
товуши сўзнинг бошида келди? 
-Қайси сўзда ―R‖ 
товуши сўзнинг ўртасида келди? 
-Қайси сўзда ―R‖ 
товуши сўзнинг охирида келди? 
 
8-машғулот 
Мавзу: Сурат бўйича ҳикоя тузиш: “Қўл ювиш одоби” 
Мақсад: 
Сурат бўйича тасвирий ҳикоя тузишга ўргатиш. 
Болаларга шахсий гигиена қоидаларига риоя этишни ўргатиш. 
Вазифалар: 
Боғланган нутқни ривожлантириш. Воқеаларни кетма-кет боғланган ҳолда грамматик 
жиҳатдан тўғри жумлалар тузиб баѐн этишга ўргатиш. 
Болаларни суратда тасвирланган воқеаларга муносабат билдириб, мустақил ҳикоя 
тузишга ўргатиш. Берилган сўздан гап тузишга ўргатиш. 
Кутилаѐтган натижалар: 
Болаларнинг боғланган нутқи ва товуш маданияти 
ривожланади. Болалар шахсий гигиена қоидаларига риоя этишга ўрганадилар. Берилган 
сўзга гап тузишни ўрганадилар. 
Керакли жиҳозлар: 
―Қўл ювиш одоби ‖ сурати 
Машғулотнинг бориши 
Тарбиячи: Болажонлар, тозалик деганда нимани тушунасиз? (Болалар жавоблари) 
Тарбиячи: Тўғри, болалар. Тозалик бу- тоза, озода юриш дегани. Тозалик бор жойда 
доимо соғлиқ бўлади. Ифлосгарчиликдан турли касалликлар келиб чиқади. Чунки ифлос, 
ювилмаган қўлларда нималар бўлади? (Болалар жавоблари) 
Тарбиячи: Тўғри, болалар, ифлос, ювилмаган қўлларда микроблар бўлади. Микроблар 
кўзга кўринмайдиган жуда майда заррачалар бўлади. Микроблар ўта зарарли, улар одам 

---

60 
организмига ювилмаган қўллар, тирноқларни оғизга тиқиш, ювилмаган мевалар ейиш 
сабабли тушади ва зудлик билан кўпаяди. Натижада кишилар турли касалликларга 
учрайди. Бугун биз қўл ювиш одоби ҳақида суҳбатлашамиз. Қўл ювиш одобини сиз 
қандай тушунасиз? (Болалар жавоблари) 
Тарбиячи: Тўғри, болалар, озода бўлиб юришнинг ҳам ўз тартиб қоидалари бор. Озода 
бўлиб юришнинг тартиб қоидаларига амал қилиш шахсий гигиена дейилади. Шахсий 
гигиена қоидаларига риоя қилиш ҳар бир боланинг бурчи.
-Болалар , қўлимизни нима учун ювамиз? 
-Сиз қўлингизни қачон ювасиз? (Болалар жавоблари) 
Тарбиячи: Тўғри, болалар, уйқудан турганда, овқатланишдан олдин, овқатланишдан 
кейин, хожатдан сўнг, қўллар ифлос бўлганда. 
-Қўлни қандай ювиш керак? ( Болалар жавоблари ) 
Тарбиячи: Тўғри, болалар, қўлни ювишда энг аввало кўйлак енгларини шимариб оламиз. 
Шунда кўйлагимиз енглари ҳўл бўлмайди. (Суратга қаранг.) Совунни кўпиртириб олиб 
бармоқларимизни яхшилаб ишқалаймиз . Башмолдоқдан бошлаб жимжилоқда тугатамиз. 
Бармоқ оралари яхшилаб ишқаланади. Қўлни чайишда ҳам бармоқларимизни яхшилаб 
ишқалаб чаямиз. Қўлларимизда совун кўпиги қолмаслиги керак. Чайиб бўлгач қўл 
қуригунча сочиққа артилади. Ундан кейин қўлингиз тоза бўлади 
Тарбиячи: Болалар, сиз сув ҳақида овутмачоқ биласизми? ( Болалар жавоблари ) 
Мана энди болалар суратга қараб ҳикоя тузамиз. Аввал ҳикоянгизга қандай ном 
беришингизни айтинг. Ҳикоянгизни қизиқарли тугатишга ҳаракат қилинг. ( Болалар 
жавоблари )