Ўзбекистон Республикаси Халқ таълими вазирлиги А. Авлоний номидаги Халқ таълими тизими раҳбар ва мутахассис ходимларини қайта тайёрлаш ва малакасини ошириш институти

Модулнинг вазифалари:
- умумий ўрта таълим, ихтисослашган мактаб-интернати, ихтисослаштирилган давлат умумтаълим мактаблари раҳбар кадрларининг таълим самарадорлигини ошириш мақсадида глобал тармоқдаги турли педагогик ҳамжамиятларда иштирок этиш;
-умумий ўрта таълим, ихтисослашган мактаб-интернати, ихтисослаштирилган давлат умумтаълим мактаблари ва махсус таълим муассасалари раҳбар кадрларида таълим самарадорлигини ташхис қилиш ва баҳолашнинг инновацион технологияларидан фойдаланиш;
-фан-техниканинг илғор тажрибалари, инновацияларини таҳлил этиш ва таълим самарадорлигига эришиш жараёнларига татбиқ этиш;
-таълим-тарбия жараёнида замонавий бошқарув технологияларидан фойдаланиш учун зарур бўлган билим, кўникма ва компетенцияларини ривожлантириш;
-таълим самарадорлиги ва уни баҳолашдаги муаммоларини аниқлаш ва уларнинг ечимини топишни таҳлил қилиш, баҳолаш ва башорат қилиш;

“Таълим сифат-самарадорлиги ва халқаро баҳолаш дастурлари” модули бўйича малака ошириш курси тингловчиларининг тайёргарлик даражасига қўйиладиган талаблар

1.Мазкур курсни мувафаққиятли тугатган тингловчи қуйидагиларни билиши зарур:
- таълим мазмунини таҳлил қилишни;
- “таълим сифати”, “таълим сифатини бошқариш” тушунчаларига замонавий ёндашувлар моҳиятини;
- компетенциявий ёндашувга асосланган давлат таълим стандартлари;
- таълим сифатини таъминлаш тамойилларини;
- таълим сифатини таъминлаш тизими индикаторларини;
- таълим сифатини таъминлаш соҳасида раҳбар кадрларнинг роли ва вазифаларини;
- ўқув жараёни самарадорлигини оширишда педагогларнинг инновацион фаолиятини ташкил этиш йўлларини;
- таълим сифат-самарадорлиги омилларини аниқлаш ва фаолиятида ишлатишни;
- таълим эҳтиёжларини таҳлил қилиш, таълим сифатини таъминлаш ва оширишни режалаштиришни;
- таълим сифатини таъминлашда халқаро тажрибалар. Таълим сифати ва самарадорлигига таъсир этувчи омилларни;
- ўқувчиларнинг билим ва кўникмаларини баҳолашнинг янги стратегия ва усулларини;
- таълим сифатини баҳолаш бўйича халқаро тадқиқотлар (PISA, PIRLS, TIMSS,TALIS) тушунчаларига нисбатан замонавий ёндашувлар моҳиятини;
- бошланғич таълимда халқаро дастурлар (EGMA, EGRA) асосида таълим самарадорлигини назорат қилиш ва баҳолашни;