Ўзбекистон Республикаси Халқ таълими вазирлиги А. Авлоний номидаги Халқ таълими тизими раҳбар ва мутахассис ходимларини қайта тайёрлаш ва малакасини ошириш институти

ИШЧИ ДАСТУР


Кириш

Ушбу ишчи ўқув дастури Ўзбекистон Республикаси Президентининг 2018 йил 5 сентябрдаги “Халқ таълими бошқарув тизимини такомиллаштириш бўйича қўшимча чора-тадбирлар тўғрисида”ги

ПФ-5538-сон Фармони, 2018 йил 5 сентябрдаги “Халқ таълими тизимига бошқарувнинг янги тамойилларини жорий этиш чора-тадбирлари тўғрисида”ги ПҚ-3931-сон Қарори, шунингдек, раҳбар ва педагог ходимларни танлаш, тайёрлаш, қайта тайёрлаш ва малакасини оширишнинг илғор ва шаффоф ташкилий-ҳуқуқий механизмларини тадбиқ этиш йўли билан халқ таълими тизимида кадрлар сиёсатини шакллантиришнинг замонавий тамойилларини жорий этиш бўйича белгиланган устувор вазифалар мазмунидан келиб чиққан ҳолда тузилган бўлиб, замонавий талаблар асосида умумий ўрта таълим мактаби, ихтисослаштирилган мактаб-интернати, ихтисослаштирилган давлат умумтаълим мактаблари директорлари ва раҳбар кадрлар захираси малакасини ошириш жараёнларининг мазмунини такомиллаштириш ҳамда уларда менежерлик кўникмаларини шакллантириш ва касбий компетентлигини мунтазам оширишни назарда тутади.
“Таълим сифат-самарадорлиги ва халқаро баҳолаш дастурлари” ўқув модулнинг мазкур дастур доирасида тақдим этилаётган мазмуни умумий ўрта таълим мактаби, ихтисослаштирилган мактаб-интернати, ихтисослаштирилган давлат умумтаълим мактаблари директорлари ва раҳбар кадрлар захирасининг малакасини ошириш мазмуни, сифати ва уларнинг тайёргарлигига қўйиладиган умумий малака талаблари ҳамда менежерлик курсларининг ўқув режаси асосида шакллантирилган бўлиб, таълим муассасаси раҳбар кадрларининг замонавий бошқарувга оид замонавий билим ва инновациялар, илғор хорижий тажрибалардан самарали фойдаланиш, ахборот-коммуникация технологияларини ўқув жараёнига кенг татбиқ этишни ҳисобига уларнинг касб маҳоратини мунтазам юксалтиришни назарда тутади.


Модулнинг мақсади ва вазифалари


Модулнинг мақсади:
Умумий ўрта таълим, ихтисослашган мактаб-интернати, ихтисослаштирилган давлат умумтаълим мактаблари раҳбар кадрларининг ўқув-тарбия жараёнида таълим самарадорлиги ва уни баҳолаш вазифаларини ҳал этишдаги замонавий ёндашувлардан фойдалана олиш ҳамда такомиллаштиришдан иборат.