Ўзбекистон Республикаси Халқ депутатлари Вобкент тумани Кенгаши

Ўзбекистон Республикаси Халқ депутатлари Вобкент тумани Кенгаши Қ А Р О Р И

O’zbekiston Respublikasi Хalq deputatlari Vobkent tumani Kengashi Q A R O R I

2014 йил “ 12 ” декабрь Вобкент тумани № 220/48-IV

Вобкент туманининг 2014 йил бюджетининг кутилаётган ижроси
ҳамда 2015 йилга маҳаллий бюджетнинг белгиланган
асосий параметрлари тўғрисида
Ўзбекистон Республикаси Олий Мажлис Сенатининг 2014 йил
13 ноябрдаги “Ўзбекистон Республикасининг 2015 йилги Давлат бюджети, давлат мақсадли жамғармаларининг бюджетлари ҳамда солиқ ва бюджет сиёсатининг йўналишлари тўғрисида”ги СҚ-453-II-сонли ҳамда Ўзбекистон Республикаси Президентининг 2014 йил 4 декабрдаги “Ўзбекистон Республикасининг 2015 йилги асосий макроиқтисодий кўрсаткичлари прогнози ва Давлат бюджети параметрлари тўғрисида”ги ПҚ-2270-сонли ҳамда халқ депутатлар Бухоро вилоят кенгашининг 2014 йил 10 декабрдаги 259/59-IV-сонли қарорлари ижросини таъминлаш мақсадида
Халқ депутатлари Вобкент тумани Кенгаши
ҚАРОР ҚИЛДИ:
1. Ўзбекистон Республикаси Олий Мажлис Сенатининг 2014 йил
13 ноябрдаги “Ўзбекистон Республикасининг 2015 йилги Давлат бюджети, давлат мақсадли жамғармаларининг бюджетлари ҳамда солиқ ва бюджет сиёсатининг йўналишлари тўғрисида”ги СҚ-453-II-сонли ҳамда Ўзбекистон Республикаси Президентининг 2014 йил 5 декабрдаги “Ўзбекистон Республикасининг 2015 йилги асосий макроиқтисодий кўрсаткичлари прогнози ва Давлат бюджети параметрлари тўғрисида”ги ПҚ-2270-сонли қарорлари раҳбарлик ва ижро учун қабул қилинсин.
2. Вобкент тумани маҳаллий бюджетининг 2014 йилдаги кутилаётган ижроси ва 2015 йилга мўлжалланган асосий параметрлари тўғрисида туман ҳокимлиги молия бўлими мудири Л.Очиловнинг ахбороти маълумот учун қабул қилинсин.
3. Вобкент тумани маҳаллий бюджетининг 2015 йилги даромадлари ва харажатлари 49740.9 млрд.сўм миқдорида, яъни мувозанати таъминлаган ҳолда иловага мувофиқ тасдиқлансин.
4. Халқ депутатлари Вобкент туман Кенгаши доимий комиссиялари, туман Давлат солиқ инспекцияси ҳамда ҳудудий молия ва ғазначилик бўлимлари бюджетга тўловларнинг тўлиқ тушиши, назарда тутилган харажатларнинг маҳаллий бюджетлардан ўз вақтида ва тўлиқ молиялаштирилиши ҳамда давлат маблағларидан белгиланган мақсадларда фойдаланилиши устидан қаттиқ назорат ўрнатилишини таъминласинлар.
5. Туман ҳокимлиги молия бўлими (Л.Очилов)га Вилоят молия бошқармаси билдиришномасига асосан туман маҳаллий бюджетининг даромадлар ва харажатлар режасига ўрнатилган тартибда ўзгартиришлар киритишга рухсат берилсин.
6. Халқ депутатлари Вобкент туман Кенгашининг Маҳаллий бюджетни шакллантириш ва ижро этиш, иқтисодий ислоҳотларни амалга ошириш ва тадбиркорликни ривожлантириш масалалари доимий комиссияси туман ҳокимлиги молия бўлими билан биргаликда туманнинг 2015 йил бюджети ижросининг бориши тўғрисида туман Кенгаши сессияларига ахборот киритиб борсин.
7. Мазкур қарор “Вобкент ҳаёти” газетасида эълон қилинсин ҳамда ҳокимликнинг веб-сайтига жойлаштирилсин.
8. Ушбу қарор 2015 йил 1 январдан кучга киради.
9. Халқ депутатлари Вобкент тумани Кенгашининг 2013 йил
28 декабрдаги “Вобкент туманининг 2013 йил бюджети кутилаётган ижроси ҳамда 2014 йилга маҳаллий бюджетининг асосий параметрлари тўғрисида”ги 170/38-IV-сонли қарори (10-бандидан ташқари) ўз кучини йўқотган деб ҳисоблансин.
10. Мазкур қарорнинг бажарилиши назорат қилиш Халқ депутатлари туман Кенгашининг Маҳаллий бюджетни шакллантириш ва ижро этиш, иқтисодий ислоҳотларни амалга ошириш ва тадбиркорликни ривожлантириш масалалари доимий комиссияси ҳамда туман ҳокими ўринбосари М.Маликов зиммаларига юклатилсин.
Халқ депутатлари туман
Кенгаши раиси А.Жаводов