Ўзбекистон республикаси энергетика ва электрлаштириш вазирлиги электр ускуналарини

электрдан ҳимоя қилиш воситалари – электр қурилмаларда ишловчи одамларни электр токидан лат ейишдан, электр майдонининг ва электр ёйининг таъсиридан ҳимоя қилувчи кœчма ва кœтариб юриладиган буюмлар;
электр қурилма - электр энергиясини ҳосил қилиш ёки ўзгартириш, узатиш, тақсимлаш ёки истеъмол қилиш учун мўлжалланган ўзаро боғланган ускуналар ва иншоотлар мажмуидир;
маҳаллий навбатчисиз электр қурилма- тезкор-ҳаракатдаги бригада ёки тезкор-таъмирлаш ходимлари томонидан қараб туриладиган ҳаво ва кабел электр узатиш тармоқлари, ҳамда электр қурилмалар;
ишлаб турган электр қурилма - кучланиш остида бўлган ёки коммутацион аппаратларни улаш билан кучланиш бериш мумкин бўлган электр қурилмалари ёки унинг участкалари;
1000 вольтдан паст ва юқори кучланишли электр қурилмалари -кучланиши 1000 вольтдан паст ва юқори бўлган электр қурилмалари (амалдаги кучланишнинг қийматига қараб). Мазкур Қоидаларнинг 1000 В гача кучланишли электр қурилмаларнинг талаблари 42 В дан юқори кучланишга тегишли.


1. УМУМИЙ ТАЛАБЛАР
1.1. Ишлаб турган электростанциялар, электр ва иссиқлик тармоқлари, иссиқлик автоматикаси ва ўлчови қурилмалари, диспетчерлик ва технологик бошқарув воситалари, район қозонхоналари, Энергетика ва Электрлаштириш Вазирлигининг энерготаъмирлаш корхоналарининг электр ускуналарида, ҳамда уй-жой ва маиший хизмат хўжалиги корхоналарининг электр тармоқларига хизмат кўрсатишда ва уларда эксплуатация, таъмирлаш, қурилиш-монтаж ва созлаш ишларини бажаришда ушбу Қоидага риоя қилиш зарур.
Ушбу Қоидага биноан эксплуатация қилинаётган электр ускуналарида иш бажариш учун ихтисослашган ва бошқа қурилиш-монтаж ташкилотлари ходимларига ишлашга ижозат беришда ушбу Қоида талаблари бажарилиши керак.
1.2. Ушбу Қоидага ўзгартириш ва қўшимчаларни фақат уни тасдиқлаган ташкилот киритиши мумкин.
1.3. Ушбу Қоидага мувофиқ иш жараёнида фойдаланиладиган ҳимоя воситалари Давлат ягона нусхаси талабларига ҳамда «Электр ускуналарида фойдаланиладиган ҳимоя воситаларини қўллаш ва синаш қоидаси»-га жавоб бериши шарт.
1.4. Ишларни бажаришда қўлланиладиган механизмлар ва юк кўтариш машиналари, компрессор ва ҳаво йиғувчи қурилмалар, асбоб ва мосламалар синалган бўлиши ва меҳнат хавфсизлиги ягона нусхаси талабларига, Ўзбекистан Республикаси Давлат тоғ-кон техникаси назорати қоидаларига ва «Асбоб ва мосламалар ёрдами билан иш бажаришда хавфсизлик қоидалари»-га шунингдек ишлаб чиқарган завод йўриқномаси талабларига мувофиқ ишлатилиши керак.