Ўзбекистон республикаси энергетика ва электрлаштириш вазирлиги электр ускуналарини

1.5. Ишлаб турган электр ускуналарида қурилиш ва монтаж ишларини бажараётганда қурилиш меъёри ва Қоидалари талабларига, яъни «Қурилишда техника хавфсизлиги» қоидаси СНиП 111-4-80-га риоя қилиш шарт.
1.6. Қоида ҳамма учун мажбурийдир. Ишчи ва хизматчилар меҳнатини муҳофаза қилиш йўриқномаси ушбу Қоидага мувофиқлаштирилиши керак.
Ҳар бир ходим Қоида талабларига зид бўлган чекиниш ёки Қоида талабини бажармасликни ва электр ускуналаридаги инсон ҳаёти учун хавф туғдирувчи носозликни, иш олиб бориш жараёнида ишлатиладиган машина, механизм, асбоб, мослама ва ҳимоя воситаларидаги бузилишни бартараф этиш чорасини қураолмаса, зудлик билан юқори раҳбариятга бу ҳақида хабар бериши шарт.
Ушбу Қоидага зид келадиган фармойиш ва топшириқларни бажариш ман қилинади.
2. ХОДИМЛАРГА ТАЛАБЛАР
2.1. Жойларда ишлаб турган ходимларни ўқитиш ва билимини текшириш тартиби «Энергетика корхоналари ва ташкилотлари ходимлари билан ишни ташкил этиш бўйича раҳбарий қоида» талабларига мос бўлмоғи шарт.
2.2. Соғлиқ учун зарарли ва хавфли меҳнат шароитларида иш олиб борувчи ишчи ва муҳандис-техник ходимлар Республика соғлиқни сақлаш Вазирлиги белгилаган тартиб ва муддатда шифокорлар кўригидан ўтишлари шарт. (1,2-илова).
2.3. Электр ускунасида ишлаётган ишчи узининг лавозими ва касбига қараб, ушбу Қоидани билиши ва 3-илова-га мувофиқ электр хавфсизлиги группасига эга бўлиши керак. Қоидани ўзлаштирганлиги ҳақида синовдан ўтган ходимга белгиланган намунадаги гувоҳнома берилади. Ходим гувоҳномани иш пайтида ўзи билан олиб юриши шарт.
2.4. Хавфсизлик бўйича қўшимча талаблар қўйиладиган ишларни (ёки махсус ишларни) бажариш ҳуқуқига эга бўлган ходимлар гувоҳномасида шу ҳақида ёзув бўлиши шарт.
Бундай ишларга қуйидагилар киради:
- баландликда бажариладиган ишлар;
- ток ўтказувчан қисмларда кучланиш остида бажариладиган ишлар:
- изоляторларни тозалаш, ювиш ва алмаштириш, симларни таъмирлаш, симларни уланган жойларини ҳамда изоляторларни ўлчов штангаси билан текшириш ва троссларни мойлаш;
- босим остида бўлган идишларга хизмат кўрсатиш;
- электр ускунани юқори кучланиш остида синаш (мегаомметр билан ишлашдан ташқари).
Махсус ишлар рўйхати корхона раҳбарияти кўрсатмасига биноан маҳаллий шароитни ҳисобга олган ҳолда бошқа қўшимча ишлар билан тўлдирилиши мумкин.