Ўзбекистон республикаси давлат архитектура қурилиш қЎмитаси тошкент архитектура қурилиш институти архитектура факультети

ЎЗБЕКИСТОН РЕСПУБЛИКАСИ ДАВЛАТ АРХИТЕКТУРА ҚУРИЛИШ ҚЎМИТАСИ
ТОШКЕНТ АРХИТЕКТУРА ҚУРИЛИШ ИНСТИТУТИ
АРХИТЕКТУРА ФАКУЛЬТЕТИ
“Фалсафий ва ижтимоий-сиёсий фанлар” кафедраси

“ФУҚАРОЛИК ЖАМИЯТИ” фанидан

МУСТАҚИЛ ИШ

МАВЗУ:Ўзбекистонда кўппартиявийлик тизимининг шаклланиши

Гуруҳ: 4-16
Текширди: Дўсмуродов О.
Бажарди: Раимбердиев.А.
Тошкент 2020


МАВЗУ: Ўзбекистонда кўппартиявийлик тизимининг шаклланиши
РЕЖА:
КИРИШ
АСОСИЙ ҚИСМ
1.Демократия мустаҳкам асосини яратди
2.Сиёсий партия узи нима
3.Сиёсий партияларнинг ғарб ва шарқ талқини
ХУЛОСА

КИРИШ
Инсоният неча асрлардан буён яхши ҳаёт, яхши жа­мият қуришни орзу қилиб келади. Қанча-қанча сохта доҳийлар, сохта тузумлар яратилди, лекин узоқ яшамади, йўқ бўлиб кетди. Бир пайтлар дунёда энг инсонпарвар жамият, деб жар солинган совет тузуми ҳам барбод бўлди. Қандай яшашни, қандай йўлдан юришни ўзимиз ҳал этадиган замон келди — Ўзбекистонимиз мустақил бўлди. Биз ҳуқуқий демократик давлат, инсонпарвар, одил жамият қуришни мақсад қилиб белгиладик. Дунё тажрибасидан маълумки, кўппартиявийлик тизимига эришмай туриб, бундай давлатни, жамиятни қуриб бўлмайди.
Бу ҳақда Президентимиз шундай деган эди: «Модомики, биз демократик жамият қурмоқчи эканмиз, жамиятимизда албатта кўппартиявийлик тизими бўлиши керак. Бу тизим нима учун зарур, деган саволга мен шундай жавоб берган бўлардим. Кўппартиявийлик, аввало, жамиятимизда ўз манфаат ва қарашларига эга бўлган ҳар қайси ижтимоий қатлам ва гуруҳнинг мақсад ва интилишларини тўлиқ акс эттириш учун керак. Чунки ҳаёт бор экан, инсон бор экан, ҳар қайси тоифа ўзининг манфаатларини қандайдир йўллар билан амалга оширишга ҳаракат қилади, бу ҳаётни қандай ташкил қилиш лозим, инсон, оила қандай шароит­да тинч ва бахтли яшаши мумкин, деган масалалар атрофида фикр юритади, керак бўлса, қонуний йўллар билан ўз мақсадларига эришишга интилади.
Шу маънода, ҳар бир партия ўзига бўлган ишончни, куч-қувватни халқ ичидан олади. Шунинг учун ҳам ҳар қайси партия — халқ­нинг маълум қатлами манфаатларини ифодаловчи сиёсий куч, десак, айни ҳақиқат бўлади»