Ўзбекистон Республикаси Бош прокурори Н. Т. Йўлдошевга Ўзбекистон Республикаси иив вазири П. Р. Бобожоновга Тошкент вилоят прокурори С. И. Самадовга

Ўзбекистон Республикаси Бош прокурори Н.Т.Йўлдошевга


Ўзбекистон Республикаси ИИВ вазири П.Р.Бобожоновга


Тошкент вилоят прокурори С.И.Самадовга


Тошкент вилояти ИИБ бошлиғига


Жиззах вилояти, Шароф Рашидов тумани, Қулама ҚФЙ, Норпўлатов кўчасида яшовчи Юсупов Диёр Ғанижон ўғли томонидан
ТАКРОРИЙ АРИЗА
(Рад қилиш ҳақида)
084011/2020-260-сонли жиноят иши юзасидан

Ҳозирда Тошкент вилоят ИИБ ҳузуридаги ТБ томонидан фуқаро Д.Умурзоқов ва бошқаларга нисбатан Ўзбекистон Республикаси ЖКнинг

228-моддаси 2-қисми “б” банди билан бўлган жиноят иши юзасидан дастлабки тергов ҳаракатлари олиб борилмоқда.
Жиноят иши айбланувчи тариқасида жалб қилиниши лозим бўлган шахс Б.Номозов ва унинг жиноий шериклари Тошкент шаҳрида ва Тошкент вилояти ҳудудида истиқомат қилишади.
Жиноят ишининг тергови ҳар томонлама, тўла ва холисона бўлишини таъминлаш мақсадида мазкур жиноят ишининг Тошкент вилояти ва Тошкент шаҳридан бошқа ҳудуд терговчилари зиммасига юклаш мақсадга мувофиқ.
Шунингдек, мазкур жиноят иши юзасидан муқаддам Тошкент вилояти ИИБ ҳузуридаги ТБ терговчилари томонидан дастлабки тергов ҳаракатлари олиб борилиб, асоссиз ва барвақт жиноят ишини Ўзбекистон Республикаси ЖПКнинг 83-моддаси 2-бандига асосан тугатиш ҳақида қарорлар қабул қилинган.
Ваҳолангки, жиноят иши ҳужжатларида менинг ёзилган ёзувлар ва имзо фуқаро Б.Номозов томонидан бажарилганлиги ҳақидаги экспертиза хулосаси мавжуд.
Ўзбекистон Республикаси ЖПКнинг 80-моддасига кўра ишни тергов қилиш чоғида қўйилган рад қилиш масаласи прокурор, терговчи ва суриштирувчи томонидан 24 соат ичида ҳал этилиши кўрсатиб ўтилган.
Юқоридагиларга кўра, Сизлардан фуқаро Д.Умурзоқов ва бошқаларга нисбатан Ўзбекистон Республикаси ЖКнинг 228-моддаси 2-қисми “б” банди билан бўлган жиноят иши бошқа ҳудудга ўтказиш масаласи Ўзбекистон Республикаси ЖПКнинг 22-моддаси ва 80-моддаси талаблари асосида ҳал этишингизни сўрайман.
“Бунёдкор ғишт люкс” МЧЖ раҳбари Д.Юсупов