Ўзбекистон республикаси бош прокуратура академияси коррупцияга қарши курашиш илмий-таълим маркази

Иккинчидан, - ҳуқуқий давлат ва фуқаролик жамияти ахлоққа зид иллатлар (ичкиликбозлик, 
ўғрилик, гиёҳвандлик, фоҳишабозлик, турли кўринишдаги жиноятчилик) бор жойда қарор топа 
олмайди. 
Маъмурий ҳуқуқбузарликка асосланган, тенглик тамойили тенглаштириш сиёсатига 
бўйсундирадиган, шахснинг жамиятдан, хусусан қоидадан бегоналаштирилган жамиятда ахлоққа зид 
иллатлар кўпайиши учун шарт-шароитлар мавжуд эди. Ҳар бир соҳада давлат монополияси, хусусан 
тадбиркорлик ва ишбилармонлик нафақат таъқиб билан тақиқланган даврларда - юристнинг касбий 
аҳволи бузилган эди. 
Ҳуқуқий давлат ва фуқаролик жамияти қуришни жазолаш воситаси эмас, балки кишиларга тўғри 
йўл кўрсатиш воситаси сифатида намоён бўлади. бўлишлигини талаб қилади. Шу боис юристнинг 
касб этикасини ўрганиш замонавий юрист кадрлар учун асосий маърифий талаблардан биридир. 
Учинчидан, юристнинг касбий этикасига бўлган эҳтиёж суд-ҳуқуқ тизими ходимлари фаолиятида 
кузатилаётган эски тузум иллатларидан тезроқ қутулиш, ходимлар фаолиятида ахлоқ нормаларининг 
устуворлигини таъминлаш, турли ахлоқий оғишларнинг олдини олиш эҳтиёжи билан боғлиқ. 
Ўзбекистон Республикаси Вазирлар маҳкамасининг “Давлат бошқаруви органлари ва маҳаллий 
ижро этувчи ҳокимият органлари ходимларининг одоб-ахлоқ намунавий қоидаларини тасдиқлаш 
тўғрисида”ги 2016 йил 2 март куни қабул қилинган 62-сонли қарори давлатимизда касб этикаси 
масалаларини ҳуқуқий жиҳатдан ривожланиш масаласини киритди. 
2017 йил 3 январь куни қабул қилинган Ўзбекистон Республикасининг “Коррупцияга қарши 
курашиш тўғрисида”ги қонунининг 17-моддаси давлат органлари ва бошқа ташкилотлар 
ходимларининг ҳуқуқий саводхонлигини ошириш масаласига қаратилган. Унга кўра: “Давлат 
органлари ва бошқа ташкилотлар ўз мансабдор шахсларининг ҳамда бошқа ходимларининг 
коррупцияга қарши курашиш соҳасидаги ҳуқуқий саводхонлигини, шу жумладан ҳуқуқий билимлари 
даражасини ошириш юзасидан зарур чора-тадбирлар кўради”.