Ўзбекистон республикаси банк-молия академияси, тошкент ирригация ва мелиорация институти ва тошкент молия институти ҳузуридаги фан доктори илмий даражасини берувчи

Тaдқиқoтнинг aмaлий нaтижaси 
қуйидaгилaрдaн ибoрaт: 
молиявий натижаларни хўжалик юритувчи субъектлар томонидан
халқаро стандартлар талаблари даражасида шакллантиришда органик 
баланснинг самараси аниқланган ва ундан фойдаланиш механизми таклиф 
этилган; 
товар-моддий захиралар камомади суммаси қонун ҳужжатларида 
белгиланган ҳолларда табиий камайиш меъёрлари чегарасида, шунингдек 
камомаднинг аниқ айбдорлари аниқланмаган ёки моддий жавобгар 
шахслардан ундириш имконияти бўлмаган ҳолларда, уни бошқа операцион 
харажатлар таркибида ҳисобга олиниши асосланган; 
молиявий натижалар тўғрисидаги ҳисоботнинг ишончлилигини 
таъминлаш мақсадида бухгалтерия ҳисоби ахборотларининг сифатини 
ошириш йўналишлари ишлаб чиқилган; 
бухгалтерия ҳисоби объектлари устидан доимий назорат ўрнатиш 
мақсадида “Бюджетлаштириш тўғрисида Низом” ва “Даромад ва харажатлар 
бюджети” ишлаб чиқилган; 
аудиторлик риски даражасини камайтириш, аудиторлик текшируви 
вақти ва ҳажмини оптимал тақсимлаш мақсадида ички назорат тизимининг 
ишончлилиги ва самарадорлигини баҳолашнинг бешта даражаси ишлаб 
чиқилган; 
эконометрик моделларни қўллаш орқали активлар рентабеллиги 
ўзгаришига активлар, солиқ тўлангунга қадар бўлган фойда ва харажат 
кўрсаткичларининг таъсирини баҳолаш механизми таклиф қилинган. 

---

11 
Тaдқиқoт нaтижaлaрининг ишoнчлилиги. 
Тадқиқотда қўлланилган 
услубий ёндашув ва усулларнинг умумтан олинганлиги ва мақсадга 
мувофиқлиги, норматив-ҳуқуқий ҳужжатлар, фойдаланилган адабиётлар ва 
интернет маълумотлари расмийлиги, хўжалик юритувчи субъектларга оид 
маълумотларнинг ҳисобот манбаларидан олинганлиги, хулоса, таклиф ва 
тавсияларнинг норматив-ҳуқуқий ҳужжатлар ҳамда хўжалик юритувчи 
субъектлар томонидан молиявий натижалар ҳисоби ва аудитини 
такомиллаштиришда фойдаланишга жорий этилганлиги билан тасдиқланади.