Ўзбекистон Республикаси Бандлик ва меҳнат муносабатлари вазирлиги фаолиятини ташкил этиш чора-тадбирлари тўғрисида

VII. Бандликда тенг шароитларни таъминлаш ва эришиш осон бўлган муҳитни яратиш

43.	Имкониятлари чекланган шахсларнинг бандлиги ва ижтимоий интеграцияси муаммоларини чуқур таҳлил қилиш ва уларни ишга жойлаштириш бўйича комплекс чора-тадбирлар дастурини ишлаб чиқиш.	Чора-тадбирлар дастури	2017 йил ноябрь	Меҳнат вазирлиги, Соғлиқни сақлаш вазирлиги, Молия вазирлиги, Ўзбекистон ногиронлар жамияти (БМТ агентликларининг мададида)
44.	Барча даражалардаги давлат бошқаруви тузилмаларида хотин-қизларнинг кенг кўламда бир хил ва тенг даражада иштирок этишларини таъминлайдиган, инсоннинг фундаментал ҳуқуқларига риоя этиш асосини ташкил этувчи иқтисодий ва ижтимоий ҳаётдаги гендер тенглиги ривожлантирилишини таъминлаш назарда тутилган чора-тадбирлар дастурини ишлаб чиқиш ва қабул қилиш.	Бажарувчиларнинг қўшма қарори	2017 йил ноябрь	Меҳнат вазирлиги, Хотин-қизлар қўмитаси, вазирлик ва идоралар
45.	Қуйидагиларга қаратилган комплекс қўшимча чора-тадбирларни ишлаб чиқиш ва тасдиқлаш: ногиронлар ва аҳолининг кам ҳаракатланувчи бошқа гуруҳлари ҳаёт фаолиятининг асосий соҳаларида устувор объектлар ва хизматлардан фойдаланишларини таъминлаш; реабилитация ва тиббий-ижтимоий экспертиза давлат тизими соҳасида хизматлар кўрсатиш механизмини такомиллаштириш; ихтисослаштирилган ижтимоий корхоналар, шу жумладан ногиронлар учун мўлжалланган корхоналар барпо этиш, бундай корхоналарга имтиёз ва преференциялар берилишини назарда тутиш.	Қўшимча чора- тадбирлар комплексини тасдиқлаш бўйича бажарувчиларнинг қўшма қарори	2018 йил март	Соғлиқни сақлаш вазирлиги, Молия вазирлиги, Иқтисодиёт вазирлиги, Меҳнат вазирлиги, ДСҚ, ССП
46.	3 ёшгача бўлган болани парвариш қилаётган аёлларга шу даврда касб-ҳунарга ўқиш, қайта тайёрланиш, малакасини ошириш имкониятини бериш чора-тадбирларини ишлаб чиқиш ва қабул қилиш.	Бажарувчилар қарори	2017 йил октябрь	Меҳнат вазирлиги, Хотин-қизлар қўмитаси, ЎМКҲТМ