Ўзбекистон республикаси алоқА, ахборотлаштириш ва телекоммуникация технологиялари давлат кўмитаси

2-МАВЗУ
КОМПЬЮТЕР БИЛАН ИШЛАШ


Режа:

1. 
   Компьютерни ишга тушуриш;
   
2. 
   Windows операцион тизими;
   
3. 
   Файллар билан ишлаш;
   
4. 
   Windows стандарт дастурлари билан ишлаш;
   
5. 
   Компьютерда матнли хужжатлар ва тасфирлар билан ишлаш.
   

Компьютерни ишга тушуриш. Шахсий компьютерни ишга тайёрлаш ва ўчириш тартиблари мавжуд. Авваламбор компьютернинг тармоқ кучланишига мослигини текшириш керак.
Компьютерни ишга тайёрлаш тартиби қуйидагича:
* принтер керак бўлса, у ёқилади;
* монитор ёқилади;
* процессор ёқилади;
Шундан кейин экранда текширувчи махсус дастур натижалари, ҳамда операцион системани ишга туширувчи дастурлар ҳақида маълумотлар чиқади.
Компьютер ишини тугаллаш учун қуйидагилар бажарилади:
* ишлаётган дастурлар тугатилади;
* процессор ўчирилади;
* принтер ёқилган бўлса, ўчирилади;
* монитор ўчирилади.
Windows операцион тизими. Microsoft уюшмаси 1985-2003 йиллар оралиғида қуйидаги оперецион тизимларни ишлаб чиқди: Windows 3.0, Windows 3.1, Windows 3.11, Windows 98, Windows NT 3.51, Windows NT 4.0, Windows NT 5.0, Windows 2000, Windows Millenium, Windows XP, ва Windows NET. Бундан ташқари, бир қанча OC (Windows 2000 Workstation, Windows XP Professional, Windows XP Home Edition) версиялари мавжуд бўлиб, улар тузатилган ва мукаммаллаштирилган. Мавжуд бўлган Windows версиялари катта қийинчиликлар билан юклатилган. Уларни бажаришда оммавий ёндашиш – фойдаланувчини янги модификациялашган дастурларга ўргатиш, яъни операцион тизимнинг асосий фарқларини кўрсатган ҳолда илгари нимани бажарган бўлса, шуни бажариш киради. Янги имкониятлар жуда чуқур ўрганишни кейинга қолдирса ҳам бўлади.
Windows операцион тизимларининг асосий фарқлари бу, албатта, график интерфейсдир. Операцион тизим қанча кеч ишлаб чиқарилган бўлса, унинг интерфейси шунча илғорроқ бўлади: ОС график қобиғидан узатилаётган ранглар сони ортган, ранглар анча юмшоқ, кўзга ёқимлилиги, ёрлиқлар, ишоралар, тугмалар ва бошқаларнинг текстура ва компьютерда ўрнатилган турли дастурларга кириши янада қулай, бундан ташқари, компьютернинг ўз ишчи дастурлари учун ҳам қулай.

2.1-расм.Windows 98нинг график интерфейси Windows XPнинг график интерфейси

WINDOWS XP - бу компьютер тармоққа уланиши биланоқ ишга тушувчи график операцион системадир. WINDOWS XP операцион системаси бошқа дастурларни юклаш, компьютерни бошқариш, оператив хотира билан ишлаш ва фойдаланувчи билан ўзаро мулоқотни ўрнатиш учун хизмат қилади. WINDOWS XP оперцион системаси фойдаланувчи билан ёрдамчи дастурлар ва компьютер қурилмалари ўртасида қулай мулоқотни яратиб беради.

Сичқонча кўрсаткичи-сичқонча ҳаракатлантирилганда экранда белгиларнинг ҳаракатланиши. У одатда “ ” (стрелка) кўринишида бўлади, лекин айрим вақтда ўз кўринишини ўзгартириши мумкин( , , , ва ҳ.к).
Сичқончанинг чап тугмасини бир марта босиш-(инглиз тилида-click) объектларни белгилашда ишлатилади.
Сичқончанинг чап тугмасини икки марта босиш-(инглиз тилида-double click) – бирор объект устига сичқонча кўрсаткичи келтирилгандан сўнг сичқончанинг чап тугмасини тезлик билан икки марта босилади.
Судраб ўтиш-объект устига сичқонча кўрсаткичи ўрнатилиб, сичқончанинг чап тугмаси босилган ҳолатда объект янги позицияга олиб борилади ва шундан сўнг сичқончанинг чап тугмаси қўйиб юборилади.