Ўзбекистон республикаси алоқА, ахборотлаштириш ва телекоммуникация технологиялари давлат кўмитаси

Windows XPни ишга тушириш ва ишни якунлаш
Компьютер электр тармоғига уланиши билан Windows XP ишга тушади. Windows XP ишини якунлаш учун Пуск→Выключение буйруқлар кетма-кетлигини танлаш керак. Очилган мулоқот ойнасидаги тугмачаси устига сичқонча кўрсаткичи келтирилиб, чап тугма бир марта босилади.

1. 
   Иш столи. Windows XP операцион системаси юклатилгандан сўнг иш столида ойналар, объектлар ва белгилар ҳосил бўлади.
   

2.2-расм. Windows XP операцион системаси иш столи.

2. 
   Масалалар панели(1)-одатда иш столининг пастки қисмида жойлашган бўлиб, унда жорий вақтда ишга туширилган масалалар акс эттирилади. Бирорта дастур ишга туширилиши билан унинг номи ёзилган тугма масалалар панелида пайдо бўлади. Масалалар панелида “Пуск” бош менюси тугмаси, тезкор ишга тушириш тугмалари мажмуаси, ускуналар панели ва индикаторлар панели жойлашган.
   
3. 
   Пуск менюси (2)-Windows ОСнинг бош менюсидир. Пуск тугмаси босилганда, экранда Windowsнинг иш бошлаши учун керак бўладиган асосий меню очилади. Ундан асосий дастурларни, маълумотлар системасини, файлларни, папкаларни ва созлаш системасини ишга тушириш мумкин.
   
4. 
   Тезкор ишга тушириш тугмачалари(3)-айрим дастурларни тез ишга тушириш учун ишлатилади. Бу дастурларни ишга тушириш учун дастурга мос пиктограмма устида сичқончанинг чап тугмаси бир марта босилади.
   
5. 
   Вақт индикатори(4)-жорий вақтни кўрсатиб туради. Сичқонча кўрсаткичи вақт индикатори устига келтирилиб, бироз кутиб турилса, шу кунги сана намоён бўлади.
   

Windows XP нинг асосий тушунчаси бу – ойна. Ойна-экраннинг тўғритўртбурчак шаклидаги ажратилган қисми ҳисобланади. Ҳар бир топшириқ алоҳида ойнада бажарилади.



2.3-расм. Файл ва папкалар билан ишлаш.


Файллар билан ишлаш. Файл-бу тизимда ўз номи ва баёнига эга бўлган мантиқий боғлиқ ёзувлар мажмуидир. Файл номидан фойдаланиб унга бирлаштирилган маълумотларга мурожаат қилиш мумкин. Файлларда ихтиёрий ахборотни сақлаш мумкин. Ахборотларни компьютер орқали қайта ишлаш мумкин. Фойдаланувчилар файлларга жамланган маълумотларни очиши, ўзгартириши, сақлаши, ўчириши ёки чоп этиш қурилмаларига юбориши мумкин.
Файл номи ва унинг тавсифлари махсус ёзув бошқарувчиси – файл белгисида бўлади. Тизимдаги мавжуд барча файллар, уларни сақлаш манзиллари билан биргаликда махсус каталокка ёзилади, унинг ёрдамида файлларни номи бўйича автоматик тарзда излаш таъминланади. Файлнинг тўлиқ номи икки қисмдан иборат бўлади:
а) Файл номи.
b) Нуқта билан ажратиб ёзилган файл кенгайтмаси.
Одатда, файл номида файл кенгайтмаси бўлиши шарт эмас. Агар у мавжуд бўлса, мазкур файлнинг хусусиятини аниқлаш мумкин бўлади ва фойдаланувчи учун қулайлик яратилади. Масалан, Informatika.txt деб номланган файлнинг файл кенгайтмаси-.txt. Бу кенгайтма орқали биз файлнинг матн муҳарририга тегишли эканлигини билишимиз мумкин. Файл атрибутлари эса, каталогда бериб борилаётган файл номи, тури, санаси ва вақтини аниқлайди.
Папка бу-фойдаланувчилар яратган дастур ва файллар сақланувчи график интерфейсга эга бўлган контейнер. Экранда ушбу кўринишга эга бўлади. Дискдаги дастур ва ҳужжатларни саралаш учун папка ишлатилади. Шу билан бир қаторда папкада дастур ва ҳужжатлардан ташқари файллар жамланган бошқа папкалар ҳам бўлиши мумкин. Файл ва папкаларни номлашда қуйидаги белгилар ишлатилмайди: /, /, *, ?, :, !, “, <, >.