Ўзбекистон республикаси ахборот технологиялари ва коммуникацияларини ривожлантириш вазирлиги муҳаммад ал-хоразмий номидаги

ФИЛЬМЛАР ВА ЎЙИНЛАР УЧУН 3D МОДЕЛЛАР ЯРАТИШ
 
Б.З.Тўраев (ТАТУ, катта ўқитувчи) 
Бугунги кунда замонавий кино ва компьютер ўйинларини уч ўлчамли графикадан 
айри ҳолда тасаввур этиш мумкин эмас. 3D-рассомлик касбига бўлган талаб ҳеч қачон айни 
вақтдаги каби долзарб бўлмаган. Уч ўлчамли график объектларни яратиш учун, аввало 3D 
муҳаррирларнинг асосий элементлари ва 3D моделларни ишлаб чиқиш босқичлари ҳақида 
тасаввурга эга бўлиш керак.
Фильмлар яратиш жараёнининг ўзига хос хусусиятлари
Фильмларда компьютер графикасини яратиш – жуда катта иш ҳисобланиб, мазкур 
жараёнда юзлаб ўз касбининг усталари иш олиб боришади. Сценарий муаллифи, 
режиссёрлардан токи бутун бошли 3D-рассомлар жамоаси персонажлар ва виртуал олам 

---

304 
объектларини моделлаштириш, текстура бериш, анимациялаш, риннинглаш ва 
визуаллаштириш ишлари билан шуғулланишади.
Графикани яратиш жараёнидаги асосий омиллар:
•
бажариладиган ишнинг муддати; 
•
моделларнинг мураккаблик даражаси ва сифати; 
•
лойиҳа бюджети.
Компьютер ўйинлари яратиш жараёнининг ўзига хос хусусиятлари
Фильмлардан фарқли равишда, ўйинлар – бу инсоннинг виртуал олам билан 
интерфаол кўринишда таъсирлашишидир. Шу сабабли ўйинлар яратишда асосий 
омилларни қуйидагилар деб олиш мумкин:
•
интерфаоллик; 
•
узлуксиз фаолият; 
•
ва шундан сўнг визуал жиҳатлар. 
Кино ва компьютер ўйинлари саноатида 3D моделлар яратиш ва 
визуаллаштиришнинг асосий босқичлари 
5.
Моделлаштириш 
– уч ўлчамли объектлар яратиш. Моделлаштириш усуллар 
кўп бўлиб, уларни битта мақолада ёритиб беришнинг имкони йўқ. Фильм ва ўйинлар учун 
моделлаштириш жараёни ўхшаш бўлса-да, аммо баъзи фарқлар ҳам мавжуд: 
моделлаштириш усули ва моделдаги полигонлар сони. 
Моделлаштиришга мўлжалланган бир қанча дастурлар мавжуд. Бу борада ҳақиқий 
устунликни 
Autodesk Maya 
дастури, 
ундан 
кейинги 
ўринларда
Autodesk 3Ds Max
 ва 
Cinema 4D
 эгаллаб келмоқда.
 
6.
Текстуралаш –
3D-моделларга текстура ва материалларни қоплаш. Бу жараён 
модел учун шунчаки ранг ва материаллар танлаш эмас, балки бутун бир санъат ҳисобланиб, 
кинода алоҳида мутахассислар – 
текстура бўйича рассомлар
шуғулланишади. Уни 
ишлатишдан олдин моделер текстурали ёйилмани, яъни сирт моделидан таркиб топган 
икки ўлчовли тасвирни яратади.
7.
Риггинг – 
персонажни кейинги анимациялари учун виртуал «скелет» яратиш, 
«суяк»/«бўғимлар» тўплаш. Кинода кўпроқ аниматорлар учун кўплаб мураккаб назорат 
пультлари яратилади. Масалан, юз анимацияси (facial control rig) ва мимика моделлари 
учун. Ўйинларда уларсиз ҳам эплаш мумкин, агарда персонаж ўйинда гаплашмаса. Риггинг 
учун моделлар айнан юқорида келтирилган 3D-муҳаррирлардан ўтади. Аксарият ушбу 
дастурлар – уч ўлчовли графика яратиш учун мажмуавий пакетлар ҳисобланади.
8.
Анимация -
«жонлантириш», уч ўлчовли персонажни анимациялаш. Бунда 
аниматорнинг асосий вазифаси – модел ҳаракатини максимал даражада реал кўринишга 
олиб келиш ҳисобланади. Бу айниқса фильмларда муҳим, қайсики кадрларда уч ўлчовли 
персонаж реал актёрлар билан ўзаро таъсирлашиши керак бўлган вазиятлар учун.
Персонажларни анимациялашнинг оддий усули асосий кадрлар бўйича 
анимациялаш (Keyframes) ҳисобланади. Аниматор персонаж ҳолатини ҳаракатнинг 
бошланғич ва охирги кадрларида кўрсатади, оралиқ кадрлардаги ҳолат дастур томонидан 
ҳисобланади. Бу оддий усул бўлиши билан бирга, мураккаб ҳаракатларни яратиш учун 
етарлича қийин ва реалга яқин персонажга эга бўлиш учун аниматордан катта малака талаб 
этади.
Шу ўринда 
Motion Capture
(ҳаракатни тутиб олиш тизими) технологиясини ҳам 
эслатиб ўтиш жоиз. У реал актёр ҳаракатларини уч ўлчовли персонажга кўчириб ўтишни 
кўзда тутади. Бу технология анимацияни максамал даражада енгиллаштириб, актёрларнинг 
тайёр ҳаракатларидан фойдаланиш имконини беради.
9.
Рендерлаш 
(3D визуализация) 
– 
яратилган 
графика 
ва 
ёзувларни 
визуаллаштириш. Бу жараён сўнгги босқич – яратилган саҳнани якуний визуаллашиши 
(rendering). Рендерлашни икки тури мавжуд – 
реал вақтда рендерлаш
ва 
реал бўлмаган 
вақтда рендерлаш
ёки 
рендердан олдинги босқич
. Компьютер ўйинларида реал вақтда 
рендерлаш ишлатилади, шу сабабли ўйинчи ҳаракатига таъсир тезкорлик билан содир 

---

305 
бўлади. Ёруғлик, ранг ва соялар илгари ҳисобланган харита ва текстуралар ёрдамида 
шакллантирилади, объектлар эса экранга перспектив проекцияланади. Бунда график 
сифатлар бузилмаслиги учун ўйинларда кўпинча 3D-кучайтиргичлар ишлатилади. Ўйинда 
асосий мезон – ҳисоблашларни бажариш тезлиги.
Киноларда асосан реал бўлмаган вақтда рендерлаш ишлатилади, бунда ҳисоблаш 
тезлиги асосий омил бўлмасдан, биринчи ўринда юқори сифатдаги тасвир туради.
Уч ўлчовли моделлаштириш стандарт дастурлари рендерлаш функцияларига эга. 
Шунингдек алоҳида рендер-станциялар ҳам мавжуд. Бугунги кунда энг кучли 
визуализаторлик сифатида – 
Mental Ray, VRay, Renderman
кабиларни келтириш мумкин. 
10.
Композитинг –
якуний саҳнада алоҳида қисмларни бирлаштириш. Мисол 
учун, тасвир материалларида 3D саҳнани ранг созламалари ва қўшимча эффектлар билан 
яхлит ҳолатга келтириш. Композитинг учун мўлжалланган профессионал дастурлар – Nuke, 
Adobe After Effects, Eyeon Fusion ҳисобланади.