Ўзбекистон республикаси адлия вазирлиги

8.3. Arizani va unga ilova qilingan hujjatlarni
qaytarish

Arizani va unga ilova qilingan hujjatlarni qaytarish asoslari FPKning 195-moddasida bayon etilgan bo‘lib, unga ko‘ra: ariza muomalaga layoqatsiz shaxs tomonidan berilgan bo‘lsa; manfaatdor shaxs nomidan berilgan ariza ish yuritish vakolatiga ega bo‘lmagan shaxs tomonidan berilgan bo‘lsa; ish mazkur sudning sudloviga tegishli bo‘lmasa; ariza FPKning 189-moddasida belgilangan talablarga rioya etilmagan holda berilgan bo‘lsa; bitta arizada bir yoki bir nechta javobgarga nisbatan bir nechta talab birlashtirilgan bo‘lsa, basharti bu talablar o‘zaro bog‘liq bo‘lmasa; ish yuritishga qabul qilish va ishni qo‘zg‘atish to‘g‘risida ajrim chiqarilguniga qadar arizachidan arizani qaytarish haqida ariza kelib tushgan bo‘lsa; davlat boji belgilangan tartibda va miqdorda to‘langanligini tasdiqlovchi hujjat taqdim etilmagan bo‘lsa, davlat bojini to‘lashni kechiktirish mumkinligi qonunda nazarda tutilgan hollarda esa bu haqda iltimosnoma mavjud bo‘lmasa yoki iltimosnoma rad etilgan bo‘lsa; mol-mulkni (ashyoni) egasiz deb topish to‘g‘risidagi ariza qonunda belgilangan muddatdan oldin yoki qonunda nazarda tutilgan mol-mulkni (ashyoni) aniqlash va hisobga olish tartibi buzib berilgan bo‘lsa.

Sudya yuqoridagi asoslardan biri mavjud bo‘lgan taqdirda, arizani va unga ilova qilingan hujjatlarni qaytarish to‘g‘risida ajrim chiqarib, bundan da’vogarni xabardor qiladi va kamchiliklarni tuzatish uchun unga muhlat beradi.