Ўзбекистон республикаси адлия вазирлиги

2.5. Ishni bir suddan boshqa sudga o‘tkazish
asoslari va tartibi
Ma’lumki, fuqarolar va tashkilotlar tomonidan sudga taqdim etilgan da’vo arizasi, ariza va shikoyatlarni sudya qabul qilgach, fuqarolik ishi qo‘zg‘atiladi. Fuqarolik ishining sudlovligi to‘g‘risidagi masala da’vo arizasining qabul qilinishida sudyaning yakka o‘zi tomonidan hal etiladi. Fuqarolik protsessual qonunchilikka muvofiq, sud sudlovga tegishlilik qoidalariga rioya qilgan holda o‘zining ish yuritishiga qabul qilib olgan ishni, garchi keyinchalik bu ish boshqa sudning sudloviga taalluqli bo‘lib qolsa ham, mazmunan hal qilishi kerak (FPKning 31-moddasi). Biroq, istisno tarzida, faqat qonunda nazarda tutilgan holatlarda sud o‘z yuritishiga qabul qilib olgan ishni boshqa sudga o‘tkazishi mumkin.
Sud quyidagi hollarda ishni ko‘rish uchun boshqa sudga o‘tkazadi:



Ishni bir suddan boshqasiga o‘tkazish fuqarolik ishi qaysi sudning ish yuritishida bo‘lsa, o‘sha sudning asoslantirilgan ajrimiga asosan amalga oshiriladi. Sudning mazkur ajrimi ustidan shikoyat berish yoki unga nisbatan protest keltirish muddati o‘tganidan keyin, shikoyat berilgan yoki protest keltirilgan taqdirda esa, shikoyatni yoki protestni qanoatlantirmay qoldirish haqida ajrim chiqarilganidan keyin o‘tkaziladi.
Ishni bir suddan boshqasiga o‘tkazish ishlarning o‘z yechimini to‘g‘ri topishida o‘ziga xos ahamiyatga ega bo‘lib, ish bo‘yicha mavjud dalillarning to‘liq tekshirilishini, sud qarorlarining qonuniy, asosli va adolatli bo‘lishini ta’minlaydi. Bir suddan boshqa sudga yuborilgan ish sud tomonidan ko‘rish uchun qabul qilinishi kerak. Sudlovga tegishlilik to‘g‘risida nizolarga yo‘l qo‘yilmaydi.