Ўзбекистон республикаси адлия вазирлиги

NAZORAT SAVOLLARI:
1. Uy joyga oid nizolarning qanday turlarini bilasiz?
2. Uy-joyga oid ishlar qaysi organlarga taalluqli?
3. Uy-joyga oid ishlarning sudlovliligi qanday?
4. Uy-joyga oid ishlarda ishtirok etuvchi shaxslar va ularning protsessual huquqiy holatini tushuntiring?
5. Uy-joyga oid ishlar bo‘yicha sudga taqdim etiladigan da’vo arizaga qanday hujjatlar ilova qilinadi?
6. Uy-joyga oid huquqiy munosabatlardan kelib chiqadigan ishlarni sudda ko‘rishga tayyorlashda sudya tomonidan qanday protsessual harakatlar amalga oshiriladi?
7. Uy-joyga oid nizoli ishlar yuzasidan sudning hal qiluv qarorida nimalar ko‘rsatiladi?
8. Uy-joyga oid nizoli ishlar bo‘yicha sud qarorlarini ijro etishning o‘ziga xos xususiyatlarini ayting?


1-kazus

Tuman hokimligi sudga da’vo bilan murojaat etib, uylar jamoat ehtiyojlari uchun olib qo‘yilishi munosabati bilan Sobirov ko‘chasi

5-uyda yashovchi Sh. ni oila a’zolari bilan ko‘chirishni so‘ragan.
Sud da’voni qanoatlantirib, Sh. ni oila a’zolari bilan Sobirov ko‘chasi 5-uydan boshqa uyga ko‘chirgan.
Apellatsiya instansiyasi sudi hal qiluv qarorini o‘zgarishsiz qoldirgan.
Oliy sud fuqarolik ishlari bo‘yicha sudlov hay’ati 2018-yil
15-fevralda sud qarorlarini bekor qilib, da’voni rad qilish haqida yangi hal qiluv qarori chiqardi.
Aniqlanishicha, uylar jamoat ehtiyoji uchun olib qo‘yilishi munosabati bilan Sobirov ko‘chasidagi 5-uy buzilishi lozim bo‘lgan. Bu oila yashab kelgan uy buzilgan taqdirda, ularga har bir kishi hisobiga 16 kv.metrdan kam bo‘lmagan miqdorda turar-joy ajratilishi lozim. Sh. ning oila a’zolari 9 kishidan iborat bo‘lib, Sh. ga ajratilgan Komilov ko‘chasidagi 18-uyning umumiy maydoni 36,84 kv.metrni tashkil qilgan.
Savol:
1) Birinchi va apellatsiya instansiyasi sudlari tomonidan yo‘l qo‘yilgan kamchilik nimada?