Zbekiston respublikasi adliya vazirligi toshkent davlat yuridik universiteti

18-MAVZU. QONUNIYLIK VA HUQUQIY TARTIBOT


Mavzuning asosiy yo‘nalishlari:

1. 
   Qonuniylik tushunchasi va prinsiplari.
   
2. 
   Qonuniylik kafolati tushunchasi va turlari.
   
3. 
   Huquqiy tartibot tushunchasi va uning obyektiv zaruriyati.
   

18.1. QONUNIYLIK TUSHUNCHASI VA PRINSIPLARI

Qonuniylik va huquqiy tartibot birinchi navbatda shaxsning huquqlari, erkinliklari va qonuniy manfaatla­rini himoya qilish vositasi sifatida namoyon bo‘ladi. Qo­nuniylik va huquq-tartibotning holatiga qarab shaxs erkinligi darajasi, uning huquq va erkinliklarining haqiqiyligi, demokratiyaning darajasi va chinakamligi belgilanadi. Bugungi kunda shaxs manfaatlari davlat uchun ustuvorlik kasb etayot­gan ekan, qonuniylik va huquqiy tartibotning bu tomoni ham davlat faoliyatining muhim maqsadlaridan biri hisoblanadi.

Qonuniylik va huquq-tartibotni mustahkamlash huquqiy davlatni shakllantirishning zarur sharti va vositasi hamda uning muhim tarkibiy qismlaridir. Mustahkam qonuniylik va huquq ustunligiga asoslangan tartib o‘rna­tilgan taqdirdagina davlat chinakam huquqiy bo‘ladi.