Zbekiston respublikasi adliya vazirligi toshkent davlat yuridik universiteti

Huquq normalarini sharhlash hujjatlari huquqiy hujjatlarning bir turi bo‘lib, u quyidagi o‘ziga xos xususiyatlarga ega:

1. 
   u yangi huquq normalarini yaratmaydi, ularni bekor qilmaydi va amaldagi huquq normalariga o‘zgartish va qo‘shimchalar kiritmaydi;
   
2. 
   mazkur hujjatlar amaldagi huquq normalarini aniqlashtiradi, ularni qanday tushunish va qo‘llash lozimligini ko‘rsatib beradi;
   
3. 
   ushbu hujjatlar mustaqil ahamiyatga ega bo‘lmasdan, balki o‘zi sharhlayotgan huquq normalari bilan birgalikda amalda bo‘ladi;
   
4. 
   mazkur hujjatlar sharhlanayotgan huquq normalari bilan tartibga solinadigan subyektlar xatti-harakatlariga emas, balki ularni qo‘llayotgan organlarga qaratilgan bo‘ladi;
   
5. 
   huquq normalarini rasmiy sharhlash aktlari majburiy xarakterga ega bo‘ladi, chunki ularni qabul qilgan davlat organlari va mansabdor shaxslar davlat hokimiyati vakolatiga ega va boshqalar.
   

Huquq normalarini sharhlash hujjatlarini quyidagi mezonlar bo‘yicha tasniflash mumkin:

• 
  huquq sohalari bo‘yicha (konstitutsiyaviy-huquqiy, jinoyat huquqiy, ma'muriy-huquqiy);
  
• 
  qabul qilgan subyektga ko‘ra (autentik, ya'ni huquq normasini qabul qilgan organning o‘zi tomonidan va legal, ya'ni vakolat berilgan subyekt tomonidan. Masalan, qonun normalarining O‘zbekiston Respublikasi Konstitutsiyaviy sudi tomonidan sharhlanishi);
  
• 
  ifoda etish shakliga ko‘ra (yozma shakldagi huquqni sharhlash aktlari muayyan rasmiy rekvizitlarga ega bo‘ladi);
  
• 
  yuridik ahamiyati bo‘yicha (normativ sharhlash aktlari va kazual holatlarga nisbatan chiqariladigan sharhlash hujjatlari) va boshqalar.