Zbekiston respublikasi adliya vazirligi toshkent davlat yuridik universiteti

Davlatning asosiy ichki funksiyalariga quyidagilarni kiritish mumkin:

• 
  iqtisodiy funksiya;
  
• 
  ijtimoiy funksiya;
  
• 
  siyosiy funksiya;
  
• 
  huquq tartibotni ta’minlash funksiyasi;
  
• 
  tinchlik va totuvlikni ta’minlash funksiyasi;
  
• 
  ekologik funksiya.
  

uqorida ko‘rsatib o‘tilgan davlatning ichki funksiyalari butun mavjud (ichki) funksiyalarni qamrab oladi, degan gap emas. Bu ro‘yxatni yana davom ettirish mumkin.
Endi yuqorida ko‘rsatib o‘tilgan funksiyalarni batafsil ko‘rib o‘tsak. Iqtisodiy funksiya – bu davlat tomonidan iqtisodiyotni rivojlantirish borasida asosiy yo‘nalishlarni ishlab chiqish, boshqarib va tartibga solib turishdan iboratdir. Bundan tashqari, mazkur funksiyaning mohiyatini davlat byudjetini shakllantirish, jamiyatning iqtisodiy rivojlanish strategiyasini aniqlash, turli xil mulk shakllarining tenglik sharoitida amal qilinishini ta'minlash, tadbirkorlik faoliyatini qo‘llab-quvvatlash kabilardan iborat.