Ўзбекистон республикаси адлия вазирлиги тошкент давлат юридик институти

1) Буюртманомалар бериш. 
Қонунда Жамғармадан маблағлар 
ажратиш учун буюртманомалар адресатлари ва субъектлари 
белгиланган. Буюртматнома бериш субъекти Адлия вазирлиги, Олий 
суд, Олий хўжалик суди ҳамда Ўзбекистон Республикаси Адлия 
вазирлиги ҳузуридаги Суд қарорларини ижро этиш, судлар 
фаолиятини моддий-техника жиҳатидан ва молиявий таъминлаш 
департаменти бўлиши мумкин. Жамғармадан маблағлар ажратиш 
учун буюртманомалар адресати сифатида эса Жамғарманинг ижро 
этувчи дирекцияси бўлади, унинг зиммасига буюртманомаларни 
йиғиш ва кузатувчи кенгаш томонидан кўриб чиқиш учун 
материалларни тайёрлаш мажбурияти юклатилган. Жамғарманинг 
ижро этувчи дирекциясига ижро этувчи директор раҳбарлик қилиши, 
у Жамғарманинг кузатувчи кенгаши томонидан лавозимга 
тайинланиши ва лавозимдан озод қилинишини назарда тутиш керак. 
Жамғарма маблағлари тўпланиши ва сарфланишини тезкор 
бошқариш Жамғарманинг ижро этувчи дирекцияси томонидан амалга 
оширилади. Жамғарманинг ижро этувчи директори Жамғарма 
маблағларидан мақсадли фойдаланилиши учун шахсан жавоб беради. 
Белгиланган жавобгарликни назарда тутган ҳолда ижро этувчи 
директор ўз мажбуриятларини самарали бажариш мақсадида 
қуйидаги ҳуқуқлар билан ваколатланган: маблағлар ажратишга 
тушган буюртманомалар бўйича қўшимча маълумотлар олиш; 
ундирилган ва Жамғармага ўтказиладиган пул маблағларининг 
амалда тушган суммаси бўйича тегишли ташкилотлардан ахборотлар 
ва статистика маълумотларини сўраб олиш ва ҳоказо. 

---

49 
2) 
Буюртманомани 
кўриб 
чиқиш. 
Умумлаштирилган 
буюртманомалар уларни кўриб чиқиш учун Жамғарма фаолиятини 
бошқарадиган Жамғарманинг кузатувчи кенгашига киритилади. 
Жамғарма кузатувчи кенгашига Ўзбекистон Республикаси Адлия 
вазири раҳбарлик қилади, у Жамғарма кузатувчи кенгашининг раиси 
ҳисобланади. Кузатувчи кенгаш таркибига лавозимига кўра 
Ўзбекистон Республикаси Олий суди ва Олий хўжалик суди 
раислари, Ўзбекистон Республикаси Адлия вазирлиги ҳузуридаги 
Суд қарорларини ижро этиш, судлар фаолиятини моддий-техника 
жиҳатидан ва молиявий таъминлаш департаменти директори ҳамда 
Жамғарманинг ижро этувчи директори киришига эътиборни қаратиш 
лозим.
Жамғарманинг кузатувчи кенгаши ҳар чоракда камида бир марта 
мажлис ўтказилиши белгиланган. Зарур ҳолларда Жамғарма 
кузатувчи кенгашининг навбатдан ташқари мажлислари чақирилиши 
мумкин. 
Жамғарманинг кузатувчи кенгаши мажлиси унда Жамғарманинг 
кузатувчи кенгаши аъзоларининг камида учдан икки қисми иштирок 
этган тақдирда ваколатли ҳисобланади.