Ўзбекистон республикаси адлия вазирлиги тошкент давлат юридик институти

 
Ёдда сақланг!!! Суриштирув вазифалари: 
1) жиноятнинг олдини олиш ёки унга йўл 
қўймаслик; 
2) далилларни тўплаш ва сақлаш; 
3) жиноят содир этишда гумон қилинганларни 
1
Мазкур шаклга мувофиқ ижтимоий хавфи катта бўлмаган ва, қоида тариқасида, ўз аниқлиги туфайли ишнинг 
фактик ҳолатларини аниқлашда қийинчиликларни туғдирмайдиган жиноятлар бўйича суриштирув органлари 
содир этилган жиноят ҳолатлари тўғрисида баённома тузишарди. Ушбу баённома материаллар билан бирга 
прокурор санкцияси билан судга жўнатиларди. Шундай қилиб, материалларни судгача тайёрлашнинг баённома 
шакли назарда тутилган эди. Суриштирувнинг мазкур шакллари ҳозирги кунда Россия Федерациясининг 
ЖПКда (119-, 120-моддалари) назарда тутилган. 

---

136 
ушлаш ва яширинган гумон қилинувчиларни ҳамда 
айбланувчиларни қидириб топиш; 
4) жиноят туфайли етказилган моддий зиён 
қопланишини таъминлаш (ЖПК 339-моддаси). 
Ўзбекистон 
Республикаси 
ЖПК 
суриштирув 
органлари 
рўйхатини қатъий белгилаб қўйган. ЖПК 38-моддасига кўра 
қуйидагилар суриштирув органлари ҳисобланади: 
1) милиция; 
2) ҳарбий қисмлар, қўшилмаларнинг командирлари, ҳарбий 
муассасалар ва ҳарбий ўқув юртларининг бошлиқлари – уларга 
бўйсунувчи ҳарбий хизматчилар, шунингдек, ўқув машқлари 
ўтказилаётган вақтда ҳарбий хизматга мажбурлар томонидан содир 
этилган жиноятларга доир ишлар бўйича; Ўзбекистон Республикаси 
Қуролли Кучлари ходимларининг хизмат мажбуриятини бажариш 
билан боғлиқ жиноятлари ёки қисм, қўшилма, муассаса ёки ўқув 
юрти жойлашган ерда содир этган жиноятларига доир ишлар бўйича; 
3) миллий хавфсизлик хизмати органлари – қонунга кўра 
уларнинг юритишига берилган ишлар бўйича; 
4) Ўзбекистон Республикаси Ички ишлар вазирлиги жазони ижро 
этиш тизимини бошқариш органларининг бошлиқлари, қамоқ 
тарзидаги жазони ижро этиш муассасаларининг, жазони ижро этиш 
колониялари, тарбия колониялари, тергов изоляторлари ҳамда 
турмаларнинг бошлиқлари – шу муассасалар ходимлари хизматни 
ўташнинг белгиланган тартибига қарши қилган жиноятларга доир 
ишлар, худди шунингдек мазкур муассасалар ҳудудида содир этилган 
бошқа жиноятларга доир ишлар бўйича; 
5) давлат ёнғиндан назорат қилиш органлари – ёнғинларга доир 
ва ёнғинга қарши қоидаларни бузганликка доир ишлар бўйича; 
6) чегарани қўриқлаш органлари – давлат чегарасини бузганликка 
доир ишлар бўйича; 
7) олис сафарда бўлган денгиз кемаларининг капитанлари; 
8) давлат божхона хизмати органлари, Ўзбекистон Республикаси 
Бош прокуратураси ҳузуридаги Солиқ, валютага оид жиноятларга ва 
жиноий 
даромадларни 
легаллаштиришга 
қарши 
курашиш 
департаменти ва унинг жойлардаги бўлинмалари – тегишинча 
божхона, солиқ ва валюта тўғрисидаги қонун ҳужжатларини 
бузганликка доир ишлар бўйича; 

---

137 
9) Ўзбекистон Республикаси Адлия вазирлиги ҳузуридаги Суд 
қарорларини ижро этиш, судлар фаолиятини моддий-техника 
жиҳатидан ва молиявий таъминлаш департаменти ҳамда унинг 
ҳудудий бошқармалари – вояга етмаган ёки меҳнатга лаёқатсиз 
шахсларни, ота-онани моддий таъминлашдан бўйин товлашга, суд 
қарорини бажармасликка, шунингдек, банд солинган мол-мулкни 
қонунга хилоф равишда тасарруф этишга доир ишлар бўйича; 
10) Ўзбекистон Республикаси Давлат солиқ қўмитасининг 
Бозорлар ва савдо комплекслари фаолиятини назорат қилиш бош 
бошқармаси ва унинг ҳудудий бўлимлари - бозорлар, савдо 
комплекслари ҳудудларида ва уларга туташ бўлган автотранспорт 
воситаларини вақтинча сақлаш жойларида аниқланган молиявий-
иқтисодий ва солиқ соҳаларидаги ҳуқуқбузарликларга доир ишлар 
бўйича. 
Маълумот учун айтиш керакки, Ўзбекистон Республикаси Бош 
прокуратураси ҳузуридаги Солиқ, валютага оид жиноятларга ва 
жиноий 
даромадларни 
легаллаштиришга 
қарши 
курашиш 
департаменти