Ўзбекистон республикаси адлия вазирлиги тошкент давлат юридик институти

10.3. Судья ваколатлари, уларни амалга ошириш 
тартиби ва усуллари 
 
Ўзбекистон Республикасида барча судьялар ягона ҳуқуқий 
мақомга эга ва бир биридан фақат ваколатлари билан ажралиб 
туради. Судья мақомининг яхлитлиги барча судьяларнинг асосий 
ҳуқуқ, мажбурият ва чекланишлари доирасида намоён бўлади. Судья 
мақомининг яхлитлиги судьялар ҳамжамиятида барча судьяларнинг 
тенглигини англатади: 
- уларнинг ҳуқуқларини бир хилда ҳимоя қилиниши; 
- судьялар зиммасига судьялик лавозимида бўлиш билан боғлиқ 
бўлган мажбуриятлар ва чекланишлар юклатилиши; 
- жавобгарликка тортиш ва ваколатларни тугатишнинг тенг 
шароитлари.
Судьяларнинг ваколатлари қуйидагиларга қараб фарқланади: 
1) уларнинг Ўзбекистон Республикаси Конституциявий суди, 
умумий юрисдикция судларига, шу жумладан, ҳарбий судларга ёки 
хўжалик судларга тегишлилигига; 
2) судьянинг қуйи ёки юқори турувчи судда ишлашига, 
ишларнинг судловга тааллуқлилиги қоидаларига;
3) судьянинг лавозимига (суд раиси, унинг ўринбосари, судлов 
ҳайъатининг раиси, биринчи, иккинчи назорат инстанцияси судьяси). 
Суд тизими ичидаги барча бошқа ташкилий масалалар чунончи, 
муайян тоифадаги ишларни кўриб чиқишда ихтисослашув, 
ўринбосарлар ўртасида мажбуриятларнинг тақсимланиши ва ҳоказо, 
қонуннинг судья мақоми тўғрисидаги нормаларини рўёбга чиқариш 
мақсадига ҳеч қандай аҳамиятга эга эмас, чунки улар қонун билан 
белгиланган судья ваколатларини ўзгартирмайди. 

---

329 
Судьянинг ваколатлари унинг ҳуқуқий мақоми ўзагини ташкил 
этувчи ҳуқуқ ва мажбуриятларини белгилайди. Судья ваколатлари 
доирасини аниқлашнинг ўзига хос хусусияти шундан ибоатки, уларни 
икки турга бўлиш мумкин: 
- 
“Судлар 
тўғрисида”ги 
Қонунда 
кўрсатилган 
ва 
ихтисослашувидан қатъи назар барча судьяларга тааллуқли бўлган 
умумий (универсал) ваколатлар; 
- бевосита тармоқ процессуал қонунчилигида белгиланган ва 
амалга ошириладиган судлов ишларини юритишнинг турига қараб 
фарқ қилувчи махсус (тармоқ) ваколатлар. 
Судьянинг ваколатлари унинг ҳуқуқ доирасини белгилайди. 
Шундай 
қилиб, 
судья 
ваколатлари 
деганда, 
тегишинча 
конституциявий, фуқаролик, маъмурий, хўжалик ва жиноят судлов 
ишларини юритиш орқали суд ҳокимиятини амалга ошириш 
ваколатлари мажмуаси тушунилади. 
Турли хил судлов ишларини юритишда белгиланган судья 
ваколатларининг бутун доирасини кўриб чиқишга даъво қилмаган 
ҳолда, “Судлар тўғрисида”ги Қонуннинг 65- ва 66-моддаларида 
белгиланган ҳуқуқ ва мажбуриятларини ташкил этувчи судьянинг 
умумий ваколатларини санаб ўтамиз, холос. 
Қонуннинг 65-моддасида