Ўзбекистон республикаси адлия вазирлиги тошкент давлат юридик институти

Олий хўжалик суди раиси ўринбосарлари. 
Раис ўринбосарлари 
вазифалар тақсимотига мувофиқ Ўзбекистон Республикаси Олий 
хўжалик судининг таркибий бўлинмалари ишига раҳбарлик қилади, 
Ўзбекистон Республикаси Олий хўжалик суди тегишли судлов 
ҳайъатларининг ташкилий ишига раҳбарлик қилади, суд ишларини 
назорат тартибида текшириш учун талаб қилиб олади, хўжалик 
судларининг ҳал қилув қарорлари, ажримлари ва қарорлари устидан 
протест киритади. 
Шунингдек раис ўринбосарлари хўжалик судлари томонидан 
чиқарилган ҳал қилув қарорлари, ажримлар ва қарорлар ижросини 
қонунда белгиланган тартибда тўхтатиб туриш, фуқароларни ҳамда 
корхоналар, муассасалар ва ташкилотларнинг вакилларини шахсан 
қабул қилиш ҳуқуқига эга. 
Улар суд амалиётини умумлаштириш, суд статистикасини таҳлил 
қилиш ҳамда судьялар ва суднинг бошқа ходимлари малакасини 
ошириш ишини ташкил этади. 
Судлов ҳайъатлари. 
Ўзбекистон Республикаси Олий хўжалик 
судининг асосий процессуал ваколатини амалга ошириш – ишларни 
мазмунан кўриб чиқиш – судлов ҳаъатларида бўлиб ўтади. Улар: 
- ишларни биринчи инстанция ва кассация тартибида кўради; 
- суд амалиётини ўрганади ва умумлаштиради; 
- қонун ҳужжатларини такомиллаштириш юзасидан таклифлар 
ишлаб чиқади; 
- суд статистикасини таҳлил қилади; 
- қонунга мувофиқ бошқа ваколатларни амалга оширади. 
Судлов ҳайъатлари Ўзбекистон Республикаси Олий хўжалик 
суди судьяларидан ташкил топади ва ушбу суд раиси тақдимномасига 
асосан Пленум томонидан тасдиқланади. Уларга Ўзбекистон 
Республикаси Олий хўжалик суди раисининг ўринбосарлари бўлмиш 
судлов ҳайъатининг раислари раҳбарлик қилади.
Ўзбекистон Республикаси Олий хўжалик суди 
судлов ҳайъати 
раислари: 

---

244 
- судлов ҳайъатлари ишини ташкил этади ва уларнинг 
мажлисларида раислик қилади; 
- судлов ҳайъатларининг фаолияти тўғрисида Ўзбекистон 
Республикаси Олий хўжалик суди Раёсатига, шунингдек, Пленумига 
маърузалар тақдим этади; 
- суд амалиётини умумлаштириш учун суд ишларини талаб қилиб 
олади; 
- судьялар малакасини ошириш ишини ташкил этади; 
- қонун ҳужжатларига мувофиқ бошқа ваколатларни амалга 
оширади. 
Зарур ҳолларда суд Раиси бир судлов ҳайъатининг судьялари 
бошқа судлов ҳайъатидаги ишларни кўришга жалб қилиниши 
мумкин.