Ўзбекистон республикаси адлия вазирлиги навоий вилояти юридик техникуми

733-модда. Қарз шартномасининг шакли
Фуқаролар ўртасида қарз шартномаси, агар бу қарзнинг суммаси базавий ҳисоблаш миқдорининг ўн бараваридан ортиқ бўлса, оддий ёзма шаклда тузилиши шарт, шартномадаги тарафлардан бири юридик шахс бўлганида эса суммасидан қатъи назар, ёзма шаклда тузилиши шарт.
Қарз шартномасининг ёзма шаклига риоя қилмаслик ушбу Кодекснинг 109-моддасида назарда тутилган оқибатларга олиб келади.
Агар қарз олувчининг тилхати ёки унга қарз берувчи томонидан муайян сумма ёки муайян миқдордаги ашёлар топширилганлигини тасдиқлайдиган бошқа ҳужжат мавжуд бўлса, қарз шартномаси ёзма шаклда тузилган ҳисобланади.
Агар қарз мажбурияти қарз олувчи томонидан берилган вексель, облигация ёки қарз суммасини ва қарз берувчининг уни ундириб олиш ҳуқуқини белгилайдиган бошқа қимматли қоғоз билан тасдиқланган бўлса, қарз шартномасининг ёзма шаклига риоя қилинган ҳисобланади.


95.Қарз шартномасининг тарафларлари кимлар? Уларнинг ҳуқуқ ва мажбуриятларини бирма-бир санаб беринг.
4. ТАРАФЛАРНИНГ ҲУҚУҚ ВА МАЖБУРИЯТЛАРИ
4.1. Кредитор шартноманинг 1.1-бандида назарда тутилган муддатда ва миқдорда Қарз олувчига кредит бериш мажбуриятини олади. 4.2. Қарз олувчи: а) ўз вақтида кредитни қайтариш ва кредит бўйича фоизларни ўз вақтида тўлаб бориш; б) кредитни таъминлаш; в) кредитдан 2.1-бандда кўрсатилган аниқ мақсаддда фойдаланиш; г) кредит олишдан бутунлай ёки қисман бош тортганда, бу ҳақда кредиторни мазкур шартномада белгилаб қўйилган кредит бериш муддатига қадар хабардор қилиш мажбуриятини олади. 4.3. Кредитор: а) Қарз олувчини тўловга қобилиятсиз деб ҳисобласа, қарз олувчи кредитни таъминлаш мажбуриятларини бажармаса, шартномада назарда тутилган кредитдан аниқ мақсадда фойдаланиш мажбуриятини бузса, шунингдек шартномада назарда тутилган бошқа ҳолларда Қарз олувчига мазкур шартномада назарда тутилган кредитни беришдан бутунлай ёки қисман бош тортишга; б) Қарз олувчи шартномада назарда тутилган кредитдан аниқ мақсадда фойдаланиш мажбуриятини бузган тақдирда мазкур шартнома бўйича Қарз олувчини бундан буён кредитлашни тўхтатишга ҳақли. 4.4. Қарз олувчи: а) кредит олишдан бутунлай ёки қисман бош тортишга; б) Кредиторнинг розилиги билан кредитни муддатидан илгари қайтаришга ҳақли.